Home General FTA ta haya cu no tur hende mester paga mesun tarifa pa...

FTA ta haya cu no tur hende mester paga mesun tarifa pa Serlimar

36
0
SHARE
- Advertisement -

Rudy Geerman: 

ORANJESTAD  (AAN): FTA ta haya cu Parlamentarionan a pensa riba nan mes y a lubida pueblo cu e cobransa di 25 florin pa Serlimar. Minister Oduber a manda un invitacion na FTA bisando cu kier yega na un acuerdo di tarifa, e sindicato ta para riba cu nan no tin problema pa paga pero ta kere cu mester tin un tarifa social.

A informa e gobierno anterior y e gobierno actual cu e mensahe ta keda mescos y mester tin un tarifa social. Segun Rudy Geerman, FTA a sinta cu minister y a yega acuerdo pa un tarifa.

E mandatario a bay Parlamento pa atende cu hopi keho pasobra parlamentarionan a keha riba prijsnan. E sindicato no tin problema si tin un otro proposicion p’e prijsnan si tin cualkier keho. Parlamento a keha riba e prijs, pero a constata cu nan keho ta basa mas riba esunnan cu tin e posibilidad pa paga mas. E tarifa di FTA proponi na gobierno y cu minister a bay di acuerdo, tin pensionado, esunnan cu ta haya un onderstand no lo paga. FTA no tin problema si laga nan paga un suma menos.

Parlamentarionan a bisa di ta hayando hopi keho di prijs, pero ta bay baha esaki pa pueblo paga. Den e bracket traha pa FTA cu gobierno, e Parlamentarionan cu ta gana mas tin cu paga mas. Nan no ta di acuerdo cu esaki pasobra Parlamentarionan a bisa pa tur hende paga 25 florin.

Nan no ta kere den e tarifa social, nan no ta kere cu e hende cu ta cobra onderstand so of e pensionado cu ta cobra 1200 florin pa luna tin cu paga 25 florin. Parlamentario ta gana riba 10 mil florin pa luna tambe ta 25 florin y esaki ta tipo di cosnan sinberguensa.

Si e tarifa cu FTA a trece dilanti no tabata corecto, e ora ta propone algo otro. Ta baha e tarifa na 25 florin, pero esunnan cu tin menos recurso tambe tin cu paga esaki y FTA ta rechasa esaki. Ta haciendo apelacion na minister y Parlamentarionan pa reflexiona riba loke nan a haci si ta corecto.

 

- Advertisement -

DUNA COMENTARIO

Please enter your comment!
Please enter your name here