Home General Gobierno lo implementa “Bureau Integriteit y Integriteitskamer” na October

Gobierno lo implementa “Bureau Integriteit y Integriteitskamer” na October

31
0
SHARE
- Advertisement -

ORANJESTAD (AAN): Prome minister Evelyn Wever Croes ta enfatisa cu den e ultimo lunanan Gabinete Wever Croes a traha cu hopi energia, dedicacion y determinacion pa atende cu e tema di integridad.

E Gobierno actual a bin encontra un aparato gubernamental demotiva y cu no tabata funciona debi na corupcion na gran escala cu tabata tuma luga den e Gobierno di AVP. E ambternaarnan tabata sigui ehempel di e ministernan cu tabata haci y deshaci y e ambtenaarnan a kere cu nan por a haci mescos.

Mirando e seriedad di e problema cu integridad den aparato gubernamental, Gabinete Wever Croes lo implementa entrante prome di october proximo dos paso: “Bureau Integriteit y Integriteitskamer”.

“Bureau Integriteit” ta un despacho di integridad cu ta bay traha pa aumenta conscientisacion, no solamente den e aparato gubernamental di gobierno, pero tambe den henter comunidad. Na e instancia aki tambe e ciudadano por raporta kiebro di integridad.

E “Integriteitskamer”, esta e Camara di Integridad tin e tarea di “screen” decisionnan grandi di gobierno, como tambe pa loke ta regarda e partidonan politico y obliga nan por medio di ley pa publica un lista for di ken nan a haya donacionnan grandi y registra e donacionnan cu nan a ricibi.

Tambe lo tin cambio di e ley di destaho publico. E ley cu tin actual ta laga espacio pa hopi interpretacion y awo cu cambio di ley esaki lo bira mas cla kico ta e reglanan y con estricto nan lo ta. Manera esaki ta cla lo sigui e pasonan pa ehecuta e otro leynan.

Un ley cu tin financiamento riba e presupuesto y ta wardando riba Parlamento pa esaki pasa, ta e ley di e defensor di pueblo, esta e “Ombudsman”.

Prome Minister ta subraya cu e reglanan di integridad no lo conta solamente pa e empleadonan publico y e departamentonan di gobierno of pa gobierno, pero tambe e reglanan di integridad lo conta pa companianan estatal di gobierno cu no ta prepara cuenta anual.

“Gabinete Wever Croes a bin pone orden den e desorden cu e situacion cu e gobierno anterior a laga atras y cu nunca a pone presion riba companianan estatal pa traha y entrega cuenta anual. Pa Gabinete Wever Croes esey ta inaceptabel y p’esey lo ehecuta e reglanan di “Good Corporate Governance” pa di e forma aki e companianan estatal cumpli cu e reglanan di integridad. Un identidad lo fungi pa conseha Gobierno riba e miembronan cu ta worde apunta den e huntanan pa di e forma aki trece e reglanan di integridad back den gobierno”, Prome Minister Wever-Croes a duna di conoce.

 

- Advertisement -

DUNA COMENTARIO

Please enter your comment!
Please enter your name here