Home General Hues lo dicta sentencia den caso di Mark Oduber na october

Hues lo dicta sentencia den caso di Mark Oduber na october

18
0
SHARE
- Advertisement -

David Kock:

OANJESTAD  (AAN): Mark Oduber director di Meteo a hay’e den un problema cu su trabou, unda Minister Chris Romero a mand’e cas pa un investigacion y den luna di februari a resolve un parti di su caso amistoso. Ministernan a bay di acuerdo pa Oduber bay traha temporalmente pa un otro departamento, pero kedando director di Meteo. Parti di e problema ta cu a obliga Oduber pa bay cu vakantie.

Abogado David Kock a ricibi un documento durante e tratamento di e caso, tabata evidente pa DH cu contra Oduber no tabatin nada inhoudelijk pa cana e caminda disciplinario. Esey a pone cu Oduber no a haya un toegangs ontzegging manera hopi otro ambtenaar. Pa motibo cu no tabatin nada, nan a purba di ta creativo y a obliga Oduber tuma vakantie. Tur esaki a pasa pasobra nan no tabata kier p’e metreologo ta na pia di trabou.

E abogado di contrapartido a acerca Kock, unda a kere a resolve e situacion di a kita dianan di vakantie for di Oduber inhustamente, pero esey no tabata e caso. Un biaha mas Oduber y Kock a bay corte. Despuse di a scucha e argumentonan, hues a dicidi cu dia 29 di october e lo tuma su decision riba e punto aki.

Kock ta di opinion cu den un caso manera di Oduber, no ta posibel pa obliga di tuma vakantie. Mester tin un situacion manera si un ambtenaar no kier bay cu vakantie y añanan ta pasa, unda ta bis’e p’e bay un par di dia di vakantie y bin bek trabou. No pa ora bo kier pa un hende bay for di trabou y no tin argumento, e ora ta uza esaki.

Vakantie ta algo cu un ambtenaar tin derecho riba dje, e ta un compensacion financiero pasobra e ta na cas of biahando y disfrutando di su dianan paga. E abogado ta sigui bisa cu esaki ta simplemente corta y ta kita e dianan for di su cliente.

E disposicion pa Oduber traha den otro departamento ta di 1 aña y despues mester bay mira kico ta bay pasa cu esey. E atmosfera di e caso aki tabata di purba regla un asunto y ora e momento yega lo crusa e brug. Asina cu e 1 aña yega na februari, lo mira kico ta intencion di gobierno. E cliente lo tin di overweeg ki paso pa tuma.

Kock no a duna su imput riba e defensa di gobierno, pero pa hues tabata evidente kico ta e preguntanan cu e tin di contesta. Hues a bisa cu esey ta e kern van de zaak. Kock y Oduber tin di warda p’e decision te cu dia 29 di october, unda cu nan ta spera esaki ta uno faborabel.

 

- Advertisement -

DUNA COMENTARIO

Please enter your comment!
Please enter your name here