Home General Hydrantnan mester ta den bon condicion pa yuda den casonan di candela

Hydrantnan mester ta den bon condicion pa yuda den casonan di candela

15
0
SHARE
- Advertisement -

Edward de Cuba di Brandweer:

ORANJESTAD (AAN): Tin varios caminda cu e hydrantnan ta den cierto condicion. Comandante di Cuerpo di bombero, Edward de Cuba, a splica cu e hydrantnan cu tin na Aruba, tur ta bao di cuido y nan ta wordo manteni pa WEB y nan ta propiedad di WEB tambe.

Cuerpo di bombero ta paga un suma pa nan wordo uza. Ora cu nan sali riba caya y ripara cu un hydrant ta mustra for di servicio, ta control’e y si en berdad no ta cuadra cu specificacionnan cu Cuerpo di Bombero ta pidi, ta avisa WEB pa manda un tecnico pa por service e hydrant eynan.

Ta bon pa menciona pasobra si pueblo ta ripara cu banda di nan cas of den nan vecindario tin uno cu no ta mustra den servicio, laga brandweer sa. Por haci trabao di dje cu por lo menos por controle, pa asina WEB por bin duna su servicio pa asina e por traha optimal.

Esaki ta hopi importante, no solamente pa Brandweer, aunke cu nan ta core cu truck cu awa. Pero si tin un candela mas grandi, por ehempel na un cas, y e ta menasa e bisiñanan, ta importante pa por tin extra awa pa asina por haci e trabao di cubri e extra dañonan cu por tuma luga.

No ta asina cu ta esey so ta trabao. Brandweer ta uz’e tambe por ehempel tin un candela un caminda, a caba di uza e truck, por refill e truck eynan mes. Si algo pasa despues, e truck mester por sali bay di biaha tambe. E truck, e momento ey, ta den servicio instantaneamente cu un hydrant banda di dje.

E ta fastioso cu si algo mester pasa un caminda, aunke ta candela di mondi, cu e truck mester para eynan pa e candela. E tin cu core bay un hydrant leu, bolbe bin bek, pa sigui haci su trabao. E ta obstaculisa e momento eynan, cu si tin un hydrant cerca cu ta funciona, e trabao ta bay hopi mas eficiente y ta keda cla hopi mas lihe tambe.

E hydrant ta bay direct riba e truck y e truck ta percura pa tin suficiente presion pa por haci e trabaonan di pagamento di candela, de Cuba a splica.

 

- Advertisement -

DUNA COMENTARIO

Please enter your comment!
Please enter your name here