Home Gobierno IMF a tuma hopi na serio e proceso pa cambia sistema di...

IMF a tuma hopi na serio e proceso pa cambia sistema di belasting na Aruba

39
0
SHARE
- Advertisement -

Prome Minister:

ORANJESTAD (AAN) – Fondo Monetario Internacional (IMF) a tuma hopi na serio, e peticion cu gobierno a haci na dje, pa bin yuda nan pa valida e procesonan cu ta andando pa cambia e sistema di belasting na Aruba.

Asina Prome Minister mr. Evelyn Wever-Croes, a declara den conferencia semanal di prensa di Dialuna.

Un autoridad riba e tereno di belasting indirecto ta na Aruba, y esaki ta mustra cu IMF a tuma na serio e peticion di gobierno, locual Prome Minister ta aprecia hopi.

Segun e dignatario Dialuna nan lo a haya un update y Diabierna gobierno lo haya conseho, y mas den fin di siman gobierno lo sa di manera mas concreto y cu mas claridad tocante kico ta bay cambia y con y su efectonan riba comunidad.

Prome Minister a reitera cu Gobierno ta buscando un sistema di belasting mas husto, senciyo, y cu tur hende por contribui y cumpli cu nan deber sea ora di entra formulario, of paga.

E mandatario a indica cu gobierno a bin constata cu un di e problemanan serio ta cu nos ciudadanonan ta haya e proceso mucho complica, y nan no sa kico nan tin cu haci.

E pensionadonan no ta bay tin nodi di yena papel mas y tampoco paga belasting, alomenos un pensionado cu tin un of dos pension.

Esnan cu tin un salario te 4 mil florin talvez, lo no paga loonbelasting mas pero ta bay cas cu e placa cu a gana y cumpra su productonan.

Minister Presidente a subraya cu asina lo bin cu un serie di decisionnan cu ta simplifica bida. “Nos no por hacie mas agradable, pero nos por hacie mas senciyo, si” Minister Presidente a expresa.

- Advertisement -

DUNA COMENTARIO

Please enter your comment!
Please enter your name here