Home Parlamento Integridad ta e base pa bon gobernacion

Integridad ta e base pa bon gobernacion

30
0
SHARE
- Advertisement -

Edgar Vrolijk:

ORANJESTAD  (AAN): Parlamentario di MEP Edgar Vrolijk Diaranzon durante e conferencia di prensa di tur Diaranzon di e fraccion geel a papia di integridad.

“Esey ta algo cu ta e base pa bon gobernacion”.

“Pa bin cu e Camber di Integridad manera cu Prome Minister a bisa, ta importante pa pasa riba e ley di destaho”.

Esaki segun Vrolijk, kende a sigui bisa cu otro aspecto hopi importante ta e ley di control riba financiamento di partidonan politico, cu a drenta for di Raad van Advies.

“E siman aki lo mi dedica hopi tempo na esey pa drecha esaki via e recomendacionnan cu Raad van Advies a duna”.

“Nos ta sigui e conseho y hasi e cambionan, pa entrega esaki na Staten pa e wordo aproba”.

“Nos ta den espera tambe di e consehonan di Raad van Advies riba e ley di screening di integridad di Minister cu tambe ta importante”, segun e parlamentario, kende a indica cu pa loke ta e ley riba financiamento di partidonan politico ta importante pa e partidonan trece dilanti ta kendenan ta nan sponsornan.

Esaki ta importante specialmente ora di destaho, unda cu por wak si amigonan di e partido ta haya contrato.

“Pueblo a pidi pa nos cambia e sistema di faborece hende y pesey mester tin curashi pa trece cambio y no keda solamente riba teoria”, segun Vrolijk.

 

 

- Advertisement -

DUNA COMENTARIO

Please enter your comment!
Please enter your name here