Home General “Island TakeOver” ta bira un evento fenominal pa Aruba y Setar ta...

“Island TakeOver” ta bira un evento fenominal pa Aruba y Setar ta forma parti di dje!

91
0
SHARE
- Advertisement -

ORANJESTAD (AAN): Setar ta contento di por forma parti y contribui na e magno evento di “Aruba Island TakeOver 2018”. Durante un conferencia di prensa a anuncia cu e artistanan J Balvin, Bad Bunny, Alex Sensation y Jeon lo ta na Aruba pa e evento aki.

Setar como e compaña di Nr. 1 den Telecomunicacion di Aruba ta orguyoso di semper por apoya nos talento nan local.  “Jeon sigur ta forma parti di nos team y di comienso nos a para su tras.  Awor hunto cu  Elite Empire Entertainment y otro ‘sponsor partners’ nos lo bay trece algun artista Internacional, renombra y hopi gusta na Aruba. Hunto cu Jeon nos lo  crea e festival mas grandi y expectacular di aña 2018”, ta loke Juliska Henriquez di mercadeo di SETAR a bisa.

Diasabra dia 8 di September 2018 lo start cu e benta di  Jeon special tickets na Setar store na Caya Betico Croes. Pa un dia so, ta ofrece e prijs di 75 Florin pa entrada y VIP ticket e prijs di 225 Florin.  E oferta special aki  ta obtenibel riba e dia aki so y tin un cantidad limita.  Setar kier a invita tur hende pa pasa cerca nos na Setar Store cuminsando for di 10:30 am riba Diasabra.

Alavez SETAR ta anuncia cu cuminsando dia 14 di september 2018 ta start cu un campaña di SMS, unda cu tur cliente di SETAR ta haya e opportunidad pa GANA un ticket pa bay e evento “Aruba Island TakeOver 2018”.  Dia 14 di september 2018 por cuminsa manda bo SMS cu e palabra SETAR pa number 222 y asina participa pa gana ticket.

- Advertisement -

DUNA COMENTARIO

Please enter your comment!
Please enter your name here