Home Comercio KvK a organiza un Town Hall meeting pa henter e pueblo empresarial

KvK a organiza un Town Hall meeting pa henter e pueblo empresarial

48
0
SHARE
- Advertisement -

ORANJESTAD (AAN): Camara di Comercio y Industria di Aruba (KvK) ta organizando e Aruba Chamber Town Hall Meeting. E reunion aki ta un oportunidad unico pa e empresario por comparti su pensamento y puntonan di preocupacion pa loke ta e situacion empresarial di Aruba.

E evento lo tuma luga na Centro di Bario Dakota, riba diaranzon 5 di September di 6:00 pm pa 8:00 pm. Durante e Town Hall Meeting lo enfoca riba diferente topiconan. Lo crea espacio pa discuti entre otro e siguiente topiconan manera, desaroyo economico y social, servicionan publico cu ta afecta bo negoshi of e forma di haci bo negoshi; asuntonan cu ta afecta companianan den sector turistico y companianan cu ta distribui na e consumidor local; discusion riba impuesto na Aruba, kico a mehora, kehonan en comun y sugerencia pa mehora esaki.

Durante e anochi lo elabora mas riba tur e topiconan cu lo bin dilanti. Cu contribucion di comerciantenan KvK lo crea un rapport pa un miho impresion di kico e experiencia y situacion ta y con por traha na drecha y yuda nos economia sigui crece. E meta final ta pa trece dilanti na Parlamento y Gobierno di Aruba e puntonan cu ta brinda exito pa e comerciante en general na Aruba y alabes elimina obstaculonan cu solucionnan practico.

Pa por ta miho prepara nos ta pidi pa repasa nos white paper cu ta forma e punto di salida pa por yega na e meta final. E whitepaper ta un documento cu KvK a traha a base di diferente reunionnan tanto cu sector publico y sector priva riba kico ta importante pa comercio na Aruba. Esaki bo por download for di nan website via www.arubachamber.com/downloads/reports

Participacion ta gratis pero ta pidi encarecidamente pa registra door di manda un e-mail of yama.

 

- Advertisement -

DUNA COMENTARIO

Please enter your comment!
Please enter your name here