Home Deporte La Cabana Beach Resort & Casino a disfruta di un exitoso torneo...

La Cabana Beach Resort & Casino a disfruta di un exitoso torneo 5 kamp

18
0
SHARE
- Advertisement -

ORANJESTAD (AAN) –  Durante full e luna di Augustus, e asociadonan di La Cabana Beach Resort & Casino a disfruta di un serie di eventonan dibertido titula 5-Kamp Tournament.

E 5-Kamp Tournament di e aña aki a cuminsa cu weganan di softball, cu ocho diferente compania local competiendo cu otro.

E ocho companianan local cu a competi ta La Cabana Beach Resort & Casino, Hyatt Regency, WEB, nos planta nacional di awa, Setar, e proveedor di conectividad, dos compania electrico Croon y Protec, y dos hardware store, Do It Center y Kooyman.

E varios eventonan nocturno a duna e asociadonan e oportunidad di hunga y alternativamente, anima e otronan, cinco diferente deporte competitivo, softball, Mens Erger Je Niet humano, un forma di olimpiada di celebro, bowling, volleyball y foosball humano.

Tur e cinco deportenan aki a anima e asociadonan pa uni, apoya y diberti.

La Cabana Beach Resort & Casino ta kere den amistad y quality time prome, durante y despues di e weganan.

Cu hopi gozo y alegria cu a wordo comparti pafo di oranan di trabao, La Cabana Beach Resort & Casino su asociadonan a crea experiencianan di bonding positivo.

E 5-Kamp no por a yega na un mihor momento, ya cu e hotel actualmente ta involucra den su promocion di 100 dia di hospitalidad, caminda cu e atencion ta concentra den apoya y aprecia e asociadonan cu ta traha duro diariamente y ta haci lo maximo pa crea vacacionnan memorabel pa e propietarionan y e bishitantenan.

La Cabana Beach Resort & Casino kier pa full e ekipo sa cu: Si e ta importante pa e asociado, e ta importante pa e hotel.

 

- Advertisement -

DUNA COMENTARIO

Please enter your comment!
Please enter your name here