Home General Na Parkietenbos tin un area special habri pa publico y gratis pa...

Na Parkietenbos tin un area special habri pa publico y gratis pa hiba desperdicio

52
0
SHARE
- Advertisement -

ORANJESTAD (AAN) —  Serlimar a emiti un comunicado ayera rlaciona cu area pa publico hiba desperdicio. Segun e comunicado, na Parkietenbos tin un area cu ta wordo uza specialmente como un area pa colecta desperdicio cu ta wordo transporta y deposita door di comunidad. Esaki ta e area parti dilanti di Parkietenbos cu ta e “PTS-area” of e containerpark, cu ta habri y ta gratis pa publico por trece diferente tipo di desperdicio cu ta separa.

E PTS area ta nifica “Public Transfer Station area” cu ta un area special cu diferente container pa deposita desperdicio separa. Pa bin deposita desperdicio ta completamente gratis pa comunidad di Aruba y e area aki no ta accesibel pa e sector comercial. E motibo principal pa a introduci e PTS area aki ta pa por a cuminsa ricibi desperdicio cu ta separa for di comunidad cu e meta principal pa inicia e proceso pa recicla cierto di e material nan aki.

Ora cu ta trece desperdicio, cada tipo di desperdicio mester wordo deposita den un container special cu ta marca y ta pesey mester trece e desperdicio aki separa. Tipo di desperdicio cu por wordo deposita na e PTS area ta;  palo,  taira bieu,  papel y carton,  tur tipo di glas,  desperdicio di cura — desperdicio di construccion den cantidad chikito–  azeta di motor & azeta di cushina– articulo di cas manera  manera; frishider, wasmachine, stoof etc.–desperdicio electronico manera;  computer, radio, telefon etc.– desperdicio mixto cu no por wordo separa ni recicla.

E PTS area aki ta habri di dialuna pa diadomingo pa publico, caminda por haci uzo di e oportunidad pa deposita desperdicio separa di cas of di limpieza. Si bo no por transporta e desperdicio pa e PTS area, por yama Serlimar na 5245080 pa asina haci un peticion pa recoge e desperdicio di cura of articulonan bieu di cas cu tambe ta un servicio cu nos ta ofrece y pa esaki si ta wordo cobra pe.

- Advertisement -

DUNA COMENTARIO

Please enter your comment!
Please enter your name here