Home Gobierno Oposicion ta hunga politica cu proyecto di incinerator pa procesa sushi

Oposicion ta hunga politica cu proyecto di incinerator pa procesa sushi

70
0
SHARE
- Advertisement -

Minister Otmar Oduber:

ORANJESTAD (AAN) – Minister di Infrastructura, Medio Ambiente y Desaroyo Teritorial, den conferencia di prensa di gobierno a expresa, cu el a tuma nota cu ya caba a cuminza hunga politica cu e proyecto cu gobierno tin pa bin cu un sistema di incineracion di sushi, pa produci coriente.

E tin entendi cu ta wordo bisa cu gobierno lo importa sushi for di Bonaire, Curacao y Sint Maarten. E mandatario a declara cu den Parlamento el a bisa cu ora di scoge pa bay den direccion di incinerator esey ta nifica cu lo kima sushi pa produci coriente y baha e gasto di consumo pa nos comunidad.

E dignatario a indica cu el a bisa cu den futuro lo por pensa cu mirando e cercania cu tin entre islanan, na cierto momento lo por pensa den direccion si tin e manera adecua pa por atende cu e sushi di nos Islanan ruman, pa di e manera ey baha e gastonan local di produccion di coriente na Aruba.

Pero ningun momento el a bisa cu lo haci esaki aworaki. Si lo yega na e decision aki prome lo acerca Parlamento y nos comunidad tambe pa wak si por haci esaki.

Lo mester haci un estudio y calculacion tambe, con hopi e lo tin bentaha pa nos comunidad, pero cu tur claridad, ningun momento a bisa cu lo importa sushi for di ningun caminda den e fase cu e proceso ta na e momentonan aki.

 

- Advertisement -

DUNA COMENTARIO

Please enter your comment!
Please enter your name here