Home Parlamento Parlamentario Edgard Vrolijk ta elogia varios logro di gobierno

Parlamentario Edgard Vrolijk ta elogia varios logro di gobierno

51
0
SHARE
- Advertisement -

ORANJESTAD (AAN) – Parlamentario Edgard Vrolijk a expresa durante e conferencia di prensa di fraccion di MEP, cu e aspecto di integridad den e aparato publico ta hopi positivo, aunke tin hende kier mira door di un optica negativo.

E ta un aspecto hopi positivo principalmente pa lanta e credibilidad y confianza den politica, y funcionamento di e ambtenaarnan.

Tambe otro logro cu cualnan scolnan ta contento ta cu nan a haya airco, por ehemplo den tres scol na San Nicolas y tin un proyecto di airco tambe na un scol na Madiki.

Un kleuterschool y Maria School na Santa Cruz tambe ta den tapara, ademas di otro school cu no ta den e proyeccion di e minister pero cu toch lo percura pa den corto tempo tambe haye, y den cuater aña di gobernacion tur scol na Aruba lo mester tin airco.

E Parlamentario a subraya cu fraccion di MEP tambe ta contento di a scucha minister di Salud bisa cu ta bay tin mas docter di cas, y den MFAnan lo bin cu programanan preventivo pa stimula nos hendenan pa come mas saludable y haci mas movecion.

Tambe tin siete scol cu ta den hopi mas estado cu lo wordo renova, incluyendo Frère Bonifacius cu lo haya un edificio nobo, y tambe scol Reina Beatrix.

Cu e fondonan limita cu tin, gobierno lo purba haci milagro segun Parlamentario Edgard Vrolijk. Minister di Infrastructura ta trahando pa crea un fondo pa drecha e camindanan cu ta den mal estado y ademas, lo crea mas traimerdia den bario, sigur na Pos Chikito y Santa Cruz, cu segun CBS na e gruponan aki tambe mester duna nan e opcion aki. El a referi tambe na un mocion cu el a entrega pa acomoda muchanan cu a haya ataca cerebral den e budget di bijstand.

 

 

- Advertisement -

DUNA COMENTARIO

Please enter your comment!
Please enter your name here