Home Cultura Publico grandi na apertura di exposicion “Lens di mi Wowo”

Publico grandi na apertura di exposicion “Lens di mi Wowo”

96
0
SHARE
- Advertisement -

ORANJESTAD (AAN): Ministro Rudy Lampe como tambe Prome Ministro Evelyn Wever-Croes tabata presente na Sala di Exposicion di Biblioteca Nacional, pa apertura di e expo anual “Lens di mi Wowo”, coordina pa e periodista Leo Vrolijk.

E anochi a conta tambe cu representante di RBC Royal Bank, cu ta sponsor principal di e exposicion.  E evento pa 2018 ta dedica na e conocido Jan Poets, y tambe Hubert Tiel di DIARIO.

Hubert Tiel a dirigi palabra, mustrando con su amor pa saca potret a cuminza for di tempo su mama a dune un camera pa saca potret.  E resto ta historia, y Hubert Tiel ainda tin coleccion di tur camera cu el a yega di usa.  El a pone nan na exposicion tambe.  El a mustra cu e ta orguyoso pa mira cu awor su yiunan y tambe su nietonan ta interesa na monton den e mundo di fotografia.

Jan Poets lamentablemente a viaha Diasabra pa cubri un noticia na Atlanta, Georgia, y no por tabata presente pa ricibi su reconocemento.  Su yiu muher Yadienne y su nieto Janirh tabata presente pa ricibi esaki na su nomber.

E exposicion di “Lens di mi Wowo’ ta duna e otro aspecto, con prensa ta haci su trabao pa trece informacion na pueblo.  E ta habri pa publico di awor te cu 14 di September na Biblioteca Nacional na Playa.

Leo Vrolijk a gradici RBC Bank pa nan aporte durante 11 aña di e proyecto aki.  Riba combinacion di potret por mira mas di e exposicion.

- Advertisement -

DUNA COMENTARIO

Please enter your comment!
Please enter your name here