Home Parlamento Ta importante pa compronde bon con e proceso pa yega na un...

Ta importante pa compronde bon con e proceso pa yega na un tarifa pa cobra pa recoge sushi a cana

21
0
SHARE
- Advertisement -

Rocco Tjon:

ORANJESTAD (AAN): Dialuna durante e conferencia di prensa di tur Dialuna di fraccion di MEP, parlamentario Rocco Tjon a duna un splicacion di e proceso rond di henter e asunto di Serlimar.

“Mi kier pa tur hende compronde bon, con e proceso pa yega na un tarifa pa cobra pa recoge sushi a cana”.

Esaki segun Tjon, kende a indica cu e maneho ta cay pa Gobierno y no pa Parlamento.

Parlamento tin e tarea di controla e maneho cu wordo presenta.

E parlamentario a splica cu na Mei un maneho a wordo presenta cu Parlamento a cuestiona.

“Gobierno a splica Parlamento cu na Augustus nan lo bin splica con nan ta bay ehecuta nan maneho y con nan a yega na e tarifanan(‘brackets’) cu a wordo presenta”.

“Na Augustus ora cu Gobierno a bin duna un splicacion, nan no a presenta e brackets mas pero nan a presenta un tarifa fiho di 25 florin”.

“E parti aki di e maneho tin hopi punto ainda cu mester wordo aclarea y esey ta e motibo dicon a wordo splica cu lo dura 6 luna prome cu esaki wordo introduci”.

Esaki segun Tjon, kende a sigui bisa cu dentro di 6 luna lo bin bek Parlamento pa splica detayadamente con e maneho aki lo wordo ehecuta.

El a sigui bisa cu Parlamento a sostene Gobierno pa bin cu un maneho y e sosten aki tabata di tur fraccion.

“Sea cual sea e tarifa cu na final ta bay wordo cobra, na final di dia esaki lo mester conduci cu e suma cu cual pais Aruba ta contribui na Serlimar lo baha, pasobra na final di dia bo kier yega na un compania sano”.

“Na mes momento e maneho cu bay wordo presenta, te ainda un cobranza di 25 florin, mester ta uno transparente, pa Parlamento tambe wak a base di kico a yega na e 25 florin”.

Esaki segun e parlamentario di e fraccion geel, kende a sigui bisa cu na final di dia Parlamento lo kier wak tambe cu e operacionnan di Serlimar ta eficiente.

Tjon a bisa tambe cu porta di fraccion di MEP ta habri pa combersa cu tur hende, incluyendo cualkier sindicato cu tin preocupacion of tin otro ideanan con pa yega na un tarifa.

Semper por debati riba esaki y scucha e puntonan treci dilanti, segun e parlamentario.

 

- Advertisement -

DUNA COMENTARIO

Please enter your comment!
Please enter your name here