ORANJESTAD (AAN) – Diadomingo 9 di September IBiSA a tene su careda tradicional, e di 39 edicion di e Turibana Loop cu a cuminsa y finalisa na e “Multi Functionele Accomodatie Noord” (MFA Noord).
Cu un asistencia basta grandi di participante den diferente categoria manera e 10.5KM completo of den team di relevo cu 5.25K cada un y pa stimula deporte pa nos hobennan, pa prome biaha IBiSA a agrega un careda di 1 miya (1.6KM) na e Turibana Loop. E apoyo pa e muchanan tabata grandi riba e ruta.
E chikitinnan a duna nan maximo esfuerzo y a keda hopi contento cu nan respectivo premionan y cu nan medaya y flanel di participacion. E aña aki ta e di dos aña cu IBiSA a duna oportunidad na teamnan di relevo pa core e Turibana Loop, e distancia di 10.5K a wordo parti den dos, dunando ambos coredor e oportunidad pa core 5.25K. Tur participante a ricibi na final un medaya di participacion y esnan cu a cay den premio a haya un bunita trofeo.
IBiSA ta felicita tur ganador y participante cu nan participacion na e Turibana Loop 2018, gradiciendo asina tambe tur cu di un manera of otro a contribui y haci e Turibana Loop uno exitoso.
Den masculuno U-20 a keda na prome lugar Giannon Eights
Den masculino 20-29 Jethro St. Fleur
Den masculino 35-39 Alrric Kock
Masculino 40-44 Niek Johan Dijkstra.
Masculino 45-49 Michel Roos
Masculino 50-54 Ludwig Dirksz
Masculino 55-59 Albertino Maduro
Masculino 60+ Armando Melendez
Den femenino U-20 Kirah Regales
Femenino 20-29 Inge Visser
Femenino 30-34 Cecilia Mobuchon
Femenino 35-39 Lana Gobert
Femenino 40-44 Gisela Commenencia
Femenino 45-49 Fanory Perez
Femenino 50-54 Esmeralda Hendriks
Femenino 55-59 Sona Arends
Femenino 60+ Maritza Correa
CategoriaMucha muher 10-11 Karyme Acosta
Categoria 12-13 Vera-Elise Bakmeyer
Categoria 6-7 Ariella Werleman
Categoria 8-9 Riandra van der Linde
Categoria mucha homber 10-11 Christiaan Jansen
Di 12-13 aña Yeshua Dabian
Di 6-7 aña Zyon Pinzon
Di 8-9 aña Dayvion Willems
Duo femenino Alto Vista Runners Jo-Ann y Shirma
Duo masculino Aruba Malmok Runners JRick y Rigoberto
Do mix Banwarie Franc y Meggy
