Home Salud Un porcentahe grandi di e salud mental di un adulto tin di...

Un porcentahe grandi di e salud mental di un adulto tin di haber cu su salud mental ora e tabata jong

8
0
SHARE
- Advertisement -

Segun Psikiatra Cesar Perez

ORANJESTAD (AAN):  Ta asina cu for di Januari te cu awor, Departamento di Salud Publico tur siman ta trece dilanti riba malezanan y condicionnan di salud cu e meta pa preveni esakinan y tambe pa mehora e salud den nos comunidad.

Un parti importante di esaki ta e salud mental y hopi biaha no ta papia riba esaki. Ta pesey DESPA a dicidi cu den luna di September y luna di October ta bay enfoca solamente riba salud mental.

Dr. Cesar Perez, Psikiatra a elabora durante un conferencia di prensa dialuna mainta. Kico ta salud mental, con pa cuide.

Dr. Perez ta specialista den Psikiatria y Master den Psikiatria Social cu un diplomado den adiccion. E ta traha pa e Fundacion di Maneho di Adiccion y Departamento Social Pskiatrico na Aruba.

Salud Mental ta un tema cardinal pa desaroyo di un pais. Riba salud mental tin diferente concepto rond mundo, a bisa, y ta clasifica salud mental como un estado di bienestar fisico, psicologico y social, pero no solamente ausencia di maleza.

Tin biaha ta pensa cu ora cu un persona tin un maleza no por tin salud mental. Esey no ta berdad, Perez a subraya. Un persona cu ta sufri di sucu, presion halto, aunke e tin un maleza asina por bisa cu e tog por tin salud mental. Esaki tin di haber cu un estado di ekilibrio unda e persona tin un ekilibrio entre e persona mes y e medio unda e persona ta funciona, e experto a señala.

Segun Dr. Perez, e ekilibrio ey tin di haber cu e estado laboral di e persona cu ta traha, si tin un desaroyo cultural manera e mester tin. Si e persona por contribui di un of otro manera na e desaroyo di e comunidad y esey tambe ta un estado di salud mental.

Salud mental ta importante pa tur cos den bida. “E responsable di e salud mental di un pais ta e gobierno. Pasobra  e responsable pa un comunidad tin un salud mental manera mester ta ta e gobierno. Ora cu bo nace, gobierno mester garantiza un desaroyo manera bo mester tin. Ban bisa den bo famia, scol, pa bo siña, sin stress, sin tension, e preocupacion pa kico bo ta come, bo higiene, unda bo ta bay drumi, unda bo ta bay desaroya bo bida manera mester ta, Dr. Perez a manifesta.

Un porcentahe grandi di e salud mental di un persona ta wordo adkiri ora e ta mucha. Esey ta wordo refleha ora e mucha bira adulto. Ora e bira un persona di edad mester percura pa e salud mental ey tey.

Un di e partinan importante ta e parti di promocion pa un hende por tin un salud mental manera mester ta. Ehercicio ta necesario pa un bon salud mental y tambe por menciona alimentacion, higiene, e relacionnan familiar, con pa deal cu e situacionnan cotidiano.

Un porcentahe hopi importante di tur e malezanan mental cu un persona tin ora e yega su desaroyo mas halto (bira hende grandi) tin di haber cu e salud mental cu e tabata tin ora e tabata mas jong, Dr. Cesar Perez a duna di conoce.

Esey kiermen cu si ta haci prevencion y bon promocion pa e persona haya un bon salud mental ora cu e jong, di e forma ey ta garantiza cu nos poblacion ta lanta sin un maleza mental. Mayoria di e malezanan mental ta prevenibel, a remarca.

 

- Advertisement -

DUNA COMENTARIO

Please enter your comment!
Please enter your name here