Home General Uso di moneda y biyete a bira obsoleto na China

Uso di moneda y biyete a bira obsoleto na China

108
0
SHARE
- Advertisement -

Awor tur pago ta pa medio di telefon celular

ORANJESTAD (AAN): Algo cu a capta atencion den e dianan aki ta cu na China, a opta pa no traha mas biyete ni moneda. Comercio y e clientenan a bay un stap mas leu y awor e sistema di pago a bira pa medio di telefon celular.

Esey ta locual e revista Forbes a informa. Mester menciona cu mientras na hopi pais ta keda emiti y rediseña e biyetenan, na otro paisnan esaki a  bira un sistema comercial di pasado.

No solamente en tiendanan y companianan grandi esaki ta posible, pero tambe den e comercio informal of negoshinan chikito.

Tiendanan di paña, convenience stores, taxi, vending machines, otro puntonan di benta, incluso den puestonan ambulante, ta posible realiza pagonan cu telefon celular. Esaki no ta un posibilidad, ta e manera di pago oficial, principal.

Con a logra esaki? Nan a combina e diferente tecnologianan manera e transferencianan electronico, codigonan QR, smartphones, internet mobil, WiFi y apps.

E procedura ta facil. Pa medio di aplicacionnan (apps) den e celular por haya un codigo QR of por lesa e codigo QR di e negoshi of e articulo, y instantaneamente por realiza e transferencia di placa.

Kico ta respalda e operacion aki? Wel, esaki tin di haber cu e vinculacion di e app cu un cuenta bancario personal, ya sea cu un tarheta di credito of debito.

Na China, e apps mas uza pa e pagonan mobil ta “WeChat” y “AliPay”.

Den e caso di e negoshinan  estableci, ora di paga, e comprador mester mustra e codigo QR genera pa e app, esaki ta wordo lesa pa un terminal pareci na esunnan usa pa e carchinan bancario y ta genera un ticket.

Den tur caso, e comerciante y e cliente ta haya un notificacion cu ta confirma e transaccion.

Pa e vending machines, e usuario mester lesa e codigo QR di e articulo selecciona for di e app den su celular y despues cu e transferencia wordo haci ta sali e obheto. E mashin mester ta conecta na internet.

Pa loke ta pagonan mas informal, e comerciantenan tin un blachi cu e QR Codes. Nan ta bisa e cliente cuanto e articulo ta costa. E cliente ta habri su app, ta indica e cantidad di placa cu mester transferi y ta scan e codigo. E comerciante ta haya un notificacion den su telefon.

Liu Xingliang, director di e Centro di Datonan di Internet na China, e pagonan mobil a cuminza na 2014 y te na 2017 tabata wordo uza pa  40% di e usuarionan di smartphones na e pais asiatico.

Cu e aumento den e benta di miho smartphones, China ta cana den direccion di un era nobo den e industria tecnologico, den cual e caracteristica principal ta e internet mobil.

Potret: Reuters.

 

- Advertisement -

DUNA COMENTARIO

Please enter your comment!
Please enter your name here