Home Social Women’s Club of Aruba ta tene un anochi informativo na MFA Paradera

Women’s Club of Aruba ta tene un anochi informativo na MFA Paradera

10
0
SHARE
- Advertisement -

ORANJESTAD(AAN)— Women’s Club of Aruba (WCA) a ser funda dia 17 di september 1934 y awendia e ta wordo dirigi pa un hunta directiva, consistiendo di un presidente, vice-presidente, tesorera, secretaria cu ta notula, secretaria di corespondencia, cuatro miembro di comision standard y tres otro miembro general di directiva.

WCA ta afilia na e General Federation of Women’s Club (GFWC) cu tin su headquarter na Washington, DC, Merca y ta cay bou di International Affiliates.

Dia 17 di september binidero, WCA ta conmemora su di 84 aniversario y pa celebra e ocasion aki, WCA ta organisa un actividad di ‘Meet & Greet’ na MFA Paradera, diaranson 19 di september 2018. E orario ta 5:30-8:00 p.m. y entrada ta gratis.

Bo ta un hende muhe cu ta activo y gusta haci trabou di boluntario? Of simplemente bo kier sa mas tocante e berdadero meta di e unico club di hende muhe di mas di ocho decada? Ata aki e oportunidad pa haci algo di curason pa nos cominudad.

Entre otro nos ta ofrece comision pa asuntonan:

  • di Mucha:  ‘Medio Ambiente goes to School’ pa alumnonan di 1ste klas di scol basico, ‘Dress a Child’ den temporada di fin di aña
  • di Hoben: ‘Student Awards’ na final di aña escolar
  • di Adulto: Salud di hende muhe, Violencia Domestico
  • di nos Grandinan: Tur luna ta organisa actividad na Paviljoen, Huize Maris Stella, Cas di Cuido San Nicolas (casnan di cuido di SABA)
  • Otro: Save the Earth, AIDS Awareness, ‘Siña pa Bo biba’

Tur hende muhe ta keda cordialmente invita pa atende e actividad aki.

Ta bay tin varios doorprize y un treat chikito pa esnan cu acudi.

 

 

 

 

- Advertisement -

DUNA COMENTARIO

Please enter your comment!
Please enter your name here