Aruba ta wordo evalua pa instancianan internacional seis biaha pa aña
ORANJESTAD (AAN): Nacionnan Uni a decreta 13 di October Dia pa Prevencion di Desaster. Rino Hermans di Rampen Bureau a duna di conoce den entrevista cu DIARIO cu pa loke ta Aruba, esaki tabata un aña basta druk.
2018 tabata un aña basta activo pa Rampen Bureau y pa e departamentonan cu ta traha den “First Responder”. A concientiza e comunidad riba un nivel mas cu normal y cumpliendo cu e decreto di Nacionnan Uni.
No por elimina desasternan si ta papia di e risiconan cu naturaleza ta presenta, pero tin cu prepara e comunidad pa deal cu e consecuencianan. Esey a haci na Aruba durante e ultimo añanan.
Pueblo a bira mas conciente. Aruba ta wordo evalua pa instancianan internacional seis biaha pa aña con su reduccion di desaster ta. Cada biaha Aruba ta saliendo hopi bon for di e evaluacionnan y ta haya consehonan riba con mester sigui.
Segun Hermans, cada conseho aki ta encera un parti economico y mester convence gobierno riba pakico inverti den prevencion di desaster.
