Home General Arutram a stop di traha pa motibo cu no tin comunicacion cu...

Arutram a stop di traha pa motibo cu no tin comunicacion cu DOW

387
0
SHARE
- Advertisement -

ORANJESTAD (AAN):  Pierre Croes, director suplente di Arutram a splica den entrevista cu DIARIO cu na a tuma toma cu DOW a anuncia di e cambionan riba Havenstraat pa motibo cu lo drecha e caminda aki.

Croes a duna di conoce cu esaki kiermen cu tram tampoco lo por pasa eynan pa mas o menos 10 dia. Esey tabata un sorpresa pa Arutram, a bisa y nan ta haya nan cu tin cu ahusta nan itinerarionan pa por logra duna e servicio.

Te cu awor no tin un solucion concreto y ta wardando riba DOW pa duna e “guidelines” riba kico lo sosode, Pierre Croes a indica.

A agrega cu e solucion lo ta cu Arutram lo tin cu core Schelpstraat bin abao, pero e problema ta cu esaki ta un “one way traffic” bay ariba. Si DOW no cera Schelpstraat, e tram no lo por core mes den e temporada aki.

E otro solucion cu a yega di haci den pasado tabata cu DOW tabata pone hende para na e cruzada di Aruba Trading . Nan tabata cera ora cu e tram tabata bin abao. Banda di pariba tambe un otro persona tabata avisa cu e tram por bin abao y asina tabata keda monitor e pida aki di Schelpstraat bin abao y despues bolbe habri’e pa auto, Croes a señala.

Den e caso aki, ta bay ta 10 pa 11 dia mientras cu den pasado tabata solamente pa dos dia. Pesey no sa si esaki lo ta un solucion pa aworaki.

Pierre Croes a enfatiza cu nan a haci nan best pa por tin comunicacion cu DOW pero no a logra. Esaki for di diabierna cu a tuma nota di e anuncio pa medio di un rueda di prensa.

Kiermen cu no tin comunicacion entre e departamentonan y Arutram no a wordo informa debidamente di e ceramento di e caya.

Arutram a informa diamars mainta pa medio di nan facebook page cu nan ta pending di un solucion di parti di DOW y nan lo mantene publico informa.

 

 

 

 

- Advertisement -

DUNA COMENTARIO

Please enter your comment!
Please enter your name here