Home Deporte Hobennan den Reino a keda sumamente contento y motiva cu e torneo...

Hobennan den Reino a keda sumamente contento y motiva cu e torneo di Reino

62
0
SHARE
- Advertisement -

ORANJESTAD (AAN)-  Diabierna a tuma lugar e gran final di Torneo di Reino unda cu 5 diferente pais den Reino a participa den weganan di futbol y baseball. Un total di 120 hoben a forma parti di e torneo y a duna tur loke nan tin aden pa un prestacion ehemplar. E weganan tabata cu hopi tension y sigur excitante pa e participantenan. Fuera di weganan tur hoben a conoce mas di Aruba y asina haya excursion rond di Aruba y disfruta di Aruba su paisahe.

Organisacion di Torneo di Reino conhuntamente cu Stichting Laureus y Alleen jij bepaalt wie je bent, ta sumamente satisfecho cu e resultado y a termina un Torneo di Reino 2018 cu hopi exito.

Final di Baseball tabata entre Aruba y Sint Maarten unda Sint Maarten a resulta campeon. Di futbol tabata un wega sumamente intenso unda cu Curacao ta logra empata e wega na 1-1. E wega ta termina na penalty, y asina Curacao ta sali Campeon. Tur participante a ricibi un medaya pa nan logro. E ganadornan a ricibi nan copa di Campeon.

Stichting Laureus, conhuntamente cu ‘Alleen jij bepaalt wie je bent’, Ministerie van Justitie en Veiligheid y Ministerio di Husticia, Seguridad y Integridad di Aruba ta gradici tur participante, coachnan, mayornan, comunidad y media pa a sostene Torneo di Reino 2018 den gran forma.

- Advertisement -

DUNA COMENTARIO

Please enter your comment!
Please enter your name here