Home General Rond di Dump na Parkietenbos tin como 400 cacho ta cana rond

Rond di Dump na Parkietenbos tin como 400 cacho ta cana rond

347
0
SHARE
- Advertisement -

ORANJESTAD(AAN): Hopi hende no sa, pero tin por lo menos 400 cacho riba dump di Parkietenbos!  Esaki ta loke Luna Foundation a revela e siman aki.

E cachonan ta worde cuida pa e empleadonan di bon curazon cu ta traha eynan. Segun Zoraida Conijn, presidente di Luna Foundation, 400 cacho ta hopi, y nan ta come restonan di cuminda cu hende ta benta afo. Luna Foundation a dicidi pa yuda nan.

Luna Foundation su idea pa yuda nan, ta pa traha feedernan di PVC-pipes. Ta hinca cuminda eyden, y ta yena nan cu cuminda. Ta colga nan y e cachonan ta bin come cuanto cu nan kier.

Ya Diasabra a bay dump y e PVCnan tabata mitar yen. E cachonan tin cu custumbra ainda cu e cuminda, y nan no sa cu e feedernan tey. Nan mester custuma cu nan no ta core peliger si nan bay come eynan.

Hopi cuminda ta bay den un feeder. E saconan grandi di cuminda, mitar den un saco ta bay den un feeder. Tin awor aki 10 feeder riba dump.   Ta calcula cu ta hopi cuminda. Esunnan cu ta traha riba dump, nan tambe ta duna placa y ta cumpra cuminda pa yena e feedernan.  No ta Luna Foundation ta keda yena nan.

Tin un compania cu ta yuda cu cuminda, y DIARIO a compronde cu nan ta duna 50 saco di cuminda pa senior dogs.  Pero compronde cu 50 saco ta caba den un rato.

Pesey Luna Foundation ta splica, cu si hende kier yuda cu saco di dog food, esey tambe ta bon bini!  Tur loke cu pueblo por yuda cun’e ta mas cu bon bini pa e cachonan eyriba.

Hende ta puntra di con ta duna nan cuminda. Segun Conijn a indica, cu Paso #1  ta pa nan come pa nan sistema imunologico.  Despues di esey, Paso #2 lo sigui.

Fundacion Luna cu Crioyoyo Trappers ta drenta pa castra y sterilisa e cachonan na Dump.  Por duna nan cuminda, pero si no stopnan di reproduci, e 400 ta bira 800 aki un djis.

Pesey nan ta duna nan cuminda prome pa percura pa nan resistencia ta bon. Despues ta drenta cu e haulanan pa castra y sterilisa nan.

Conijn a splica cu e cachonan riba caya tin nan bida mas dificil compara riba dump. Esunnan riba dump, por lo menos riba caminda. Nan sa con pa sobreviv, pero tog tin awa limpi eyriba.  Nan a mira con e cachonan aki hasta ta come pisca fresco. Nan ta drenta awa y ta gara pisca y sali cu nan riba tera y come.

No obstante esey, riba Dump ta dificil pa e animalnan aki sobrevivi, como cu hopi biaha tin candela, ta haci calor, no tin shelter, y ta vies.  Sorprendentemente hopi di e cachonan riba Dump no tin carpata!

- Advertisement -

DUNA COMENTARIO

Please enter your comment!
Please enter your name here