ORANJESTAD (AAN): Ademas di agente Rasmijn di BIZO cu e siman aki a haya prohibicion di drenta Wardanan di Polis, relaciona cu investigacion interno, ata riba Diabierna a bin haya sa cu mas a haya mesun prohibicion.
Cuerpo Policial Aruba a informa cu den cuadro cu un investigacion interno. Cuerpo Policial Aruba a mustra cu entrante awe diabierna 2 di november 2018, e agentenan policial di inicial G.A.D. , E.S.M. y F.V.W. a worde prohibi pa drenta tur wardanan di polis.
Mas informacion vocero policial no tabatin tocante e caso. Pero e oficialnan aki ta traha den Departamento di Narcotica.
Cuerpo Policial ta para pa siguridad, servicio, integridad, vigilancia y disponibilidad. E pueblo mester por sinti su mes sigur y mester por conta cu e experticio, ayudo profesional y e profesionalismo di nos organizacion policial.
