Home Labor Tur hende cu ta labora na Aruba ta obliga di haya su...

Tur hende cu ta labora na Aruba ta obliga di haya su salario hunto cu su payslip

80
0
SHARE
- Advertisement -

ORANJESTAD (AAN): Franklin Kock, director di Departamento di Labor, ta amplia mas ariba e derechonan di trahado y obligacion di e dunado di trabao.

E dunado di trabao na final di e periodo di pago, e por ta quincena of e por ta luna, ta obliga di duna e trahado su payslip. Den e payslip e mester pone cuanto e trahado ta gana pa luna, kico ta e tur e premienan fiscal y social cu e ta kita, y cuanto e ta haya netto. E dunado di trabao, ta esun cu ta e “inhoudingsplichtig”. E ta esun cu mester kita tur e premienan for di e trahado, e no por laga esey pa e trahado.

Si un persona ta traha di a base di un freelance, unda cu ta palabra un cierto trabao, y un cierto pago. Den e tipo di trabaonan ey, tur dos ta pareu. No tin relacion di hefe y trahado. E ora ey, ta loke palabra na pago ta conta. Y berdad, e ora ey, e palabracion y e costumber ta tambe, cu e freelancer ta djis haya e suma completo y e mes lo mester bay geef op na belasting, pero no den un contrato laboral, pero a base di recibo.

Sr. Kock a splica cu den caso di cu ta papia di p.e. Un freelance, cu ta haciendo trabaonan periodistico, cu ta cay bou di e convenio di duna servicio. Y freelance no ta regla den ley. Si mester bay Corte cu acuerdo di freelance, cu e compania cu a duna e convenio ey. Y e lo cay mas tanto bou di e convenio di duna servicio y ta traha hopi independiente. E ora ey ta importante, pa sa si tin algo firma of verbal.

Un freelance tambe ta proteha pa ley, door di e convenio di duna servicio. Den acuerdo di freelance ta importante pa sa kico e partidonan a palabra cu otro. No solamente e producto, con e mester worde deliver, pero tambe con e mester worde paga. Si e acuerdo no ta worde cumpli, e freelancer por bay labor, a base di e convenio di duna servicio, cu tambe tin su reglanan cun’e, segun Sr. Franklin Kock, director di Departamento di Labor.

 

 

- Advertisement -

DUNA COMENTARIO

Please enter your comment!
Please enter your name here