- Advertisement -
ORANJESTAD (AAN): Diaranzon den oranan di atardi a haya confirmacion a traves di e social media di Gisette Croes, ruman muher di Minister di Asuntonan Social y Labor Glenbert Croes, cu e mandatario a contrae matrimonio cu su pareha Erika, kende ta di Caracas, Venezuela.
Rondona di su famia, mama, rumannan, su dos yiu muher, sobrinonan y tambe yiunan y famia di su casa a celebra e bunita momento aki ariba un cero un bista unico.
Te cu awor no tin mas detaye relaciona cu e ceremonia, pero di parti di DIARIO kier desea Minister Croes masha pabien y hopi bendicion.
- Advertisement -
