Home Suceso Prensa Mericano ta sospecha cu famia bringando na Ritz-Carlton ta procedente di...

Prensa Mericano ta sospecha cu famia bringando na Ritz-Carlton ta procedente di Philadelphia

1435
0
SHARE
(Imagen cortesia: Philly Voice)
- Advertisement -

ORANJESTAD (AAN): E siman aki, e portal PhillyVoice di Philadelphia a revela un investigacion cu nan ta bin ta haciendo, desde cu fin di aña e video di bringamento den lobby di The Ritz-Carlton Aruba a bira viral y plama rond mundo.

Y segun e medio di prensa Mericano, nan ta sospecha cu e mesun persona cu a reparti mokete bispo di Pasco den lobby di Ritz-Carlton, tabata envolvi den un pelea na aña 2017 na Center City Sips cu ta un area di entretenimento na Philadelphia.  Y pa colmo tin video di esey tambe.

Periodistanan di Philadelphia awor ta casi sigur, cu ta e mesun homber cu tabata envolvi den e pelea publico ey na 2017, ta envolvi den e pelea publico bispo di Pasco na Aruba.

Den e video di bringamento na Aruba, bo ta mira tanto homber y muher ta intercambia mokete cu otro, ta manda scop, y grita palabranan mahos.  Diripiente bo ta mira un homber hopi hoben di como 20 aña di edad ta yega, y na di 8 seconde di video ta manda un mokete, prome cu el a pusha un muher y hale un banda.

Na varios lugar den e videoclip di 51 seconde, bo ta tende un muher grita: “What is going on”?

Segun e periodistanan, e dialecto aki ta hopi parecido mes na esun di Mericanonan bibando den region di Philadelphia.

E portal a sigui investiga, y a obtene un potret riba Facebook di un famia di Philadelphia bishitando Palm Beach (Aruba) den e mesun dianan di Bispo di Pasco cu e pelea a socede.

Nan a ricibi tip anonimo tambe, cu ta indica cu e famia Bryn Mawr ta aparentemente envolvi den e pelea den Ritz-Carlton.  Mesora e portal Philly Voice a trata na confirma esey cu Ritz-Carlton na Aruba.  Pero e resort local no ta duna ningun informacion ni identifica nan huespednan.

Un empleado di Ritz-Carlton a informa si, cu debi cu e asunto aki a bira algo cu Polis ta atende, ta inapropia pa nan duna comentario riba esey.

E portal a haci yamada y manda email pa e famia tambe pa haya confirmacion di esey, pero nan no a haya contesta.  Autoridad di Aruba tampoco no a duna informacion si acaso un miembro di e famia a keda deteni riba e isla.

Pero ta obvio si cu e famia a wordo menciona den un post di Facebook di un Restaurant Italiano cu a bisa: “What a nice & pleasant family”, y e famia den e pelea na Ritz-Carlton ta mesun hendenan.

Y e video di e pelea na Center City Sips na 2017 ta mustra casi e mesun persona cu na Aruba tambe a parti mokete den lobby di Ritz-Carlton.

Por mira e video di e pelea 2018 na Aruba aki.

Por mira e video di e pelea 2017 na Philadelphia aki.

- Advertisement -

DUNA COMENTARIO

Please enter your comment!
Please enter your name here