Aruba Bank ta orguyoso di por yuda CEDE Aruba participa den Carnaval 65

ORANJESTAD  (AAN): Aruba Bank ta orguyoso di sostene e team dinamico di CEDE Aruba cu a traha duro riba disfras di cada participante pa nan tambe por disfruta di e paradanan den Unity Carnival Group/Aruba Doet.

Representante di Aruba Bank a bishita na Centro Sonrisa, caminda a comparti un rato cu e boluntarionan di CEDE Aruba na momento cu nan tabata den pleno preparacion di nan disfras.

E banco ta orguyoso di por yuda CEDE Aruba participa den Carnaval 65. Aruba Bank ta desea tur hende pa disfruta di e ultimo paradanan di Carnaval 65 sanamente.