Home General Asina cu bin un hotel pariba, hopi ta e hendenan cu lo...

Asina cu bin un hotel pariba, hopi ta e hendenan cu lo kier bay biba pariba

172
0
SHARE
- Advertisement -

Andres Hernandez di San Nicolas Business Association

ORANJESTAD (AAN):  San Nicolas ta mirando un luz chikito na horizonte, den forma di e construccion di hotel na Colony. Sr. Andres Hernandez, di San Nicolas Business Association ta elabora ariba e punto aki.

Hernandez a sigui bisa cu nan tabata tin un reunion cu minister di Infrastructura, Otmar Oduber, unda cu nan a presenta nan lista di preocupacionnan, ariba cual nan a haya un 90% contesta ariba nan y esaki a bay miho di loke nan mes a spera.

Ora cu ta trata San Nicolas, por tin un yabi pa rebiba e ciudad, cual tur hende ta wak e parti drecha, pero niun hende no ta worry pa wak e parti pariba di e caya. E ta algo cu despues di e reunion cu e minister, a bay bek den seno di San Nicolas Business Association, unda cu a discuti cu algun inversionistanan cu tin bista ariba San Nicolas.

Na su totalidad tabata tin hende cu tin preocupacion pa cu e beach pa un hotel di 900 camber. E mandatario a contesta nan na un manera hopi logico,  exactamente loke tin e posibilidad, esey ta uzando tambe unda cu JADS Diving ta, unda cu no tin niun hende, caminda cu ta trahando pa extende e beach cu casi 1 km.

Tabata tin preocupacion pa cu e plotsnan. Esaki ta tempo di antes, unda cu tabata tin diferente tamaño di tereno cu a wordo asigna pa tipo di desaroyonan aki. E pida cu ta patras di e plateau na final di cabes di cero, pa bay cu mester a bin e golfcourse, a wordo declara zona berde. Y despues di e pida tereno aki ta bin dos otro tereno cu ta mucho grandi pa e idea cu San Nicolas Business Association tabata tin den su mente. Nan semper a pensa ariba boutique-hotel.

Pero aworaki San Nicolas tin un yabi cu por ta e opening di esaki. Y positivo tabata cu e tereno cu ta grandi na banda, no ta asina.

E hotel ta e unico desaroyo grandi cu por bin pariba y e otro terenonan lo wordo parti den pida pida. Asina cu bin un hotel pariba, hopi ta e hendenan cu lo kier bay biba pariba. Esey ta algo trending. E ta un pida chikito y e ta designa cu ken cu bin p’ariba mester bay den direccion di boutique – hotel, Hernandez a duna di conoce.

 

- Advertisement -

DUNA COMENTARIO

Please enter your comment!
Please enter your name here