Chofer no a para pa polis y a huy direccion Modanza

ORANJESTAD  (AAN): Diaranzon anochi patruya policial a duna un Tercel señal pa para pa un control den area di Tanki Flip pa Tanki Leendert.

E chauffeur, na lugar di para cumpliendo cu e orden di e agente, el a purba di huy. Mesora, patruya a bay su tras cu zwaailight poni. E chofer a coi e caminda pa drenta Seroe Patrishi pa despues bay den Modanza.

E oficialnan a kere cu el a sigui core bay pero a drenta un caminda di santo prome cu e rooi y a core para dilanti un cas.  E hoben a drenta su cas lagando e auto cendi pafo.

E no tabata kier a sali mes y no a keda polis nada otro cu laga tow e auto cendi mes bay cun’e warda.