- Advertisement -
ORANJESTAD (AAN): Fin di Februari, korporaal der mariniers di Milicia Arubano, esta Gilbert N. Maduro, a logra di optene su diploma como Instructeur Fysieke Training & Sport Opleiding na Mariniers Opleidingscentrum (MOC) na Rotterdam, Hulanda.
Pa e educacion aki, korporaal Maduro a bay como 12 luna na Hulanda. E comandante di e centro di educacion, a haci entrega recien di e certificado na Korporaal Maduro, como tembe su diploma di Koninklijke Nederlandse Atletiek Unie, y un coin di Korps Mariniers.
Korporaal Maduro dentro di poco lo ta bek na Aruba pa asina cuminza usa su experticio como instructor deportivo certifica na Marinierskazerne Savaneta en general, y na militarnan Arubano (Arumil) en particular.
- Advertisement -
