Home General Diaranson Comision Narcotica ta trata marihuana

Diaranson Comision Narcotica ta trata marihuana

86
0
SHARE
- Advertisement -

Canciyer Venezolano humilia como punto debil den droga

*Voto pa reclasificacion marihuana por ser suspendi

*Uzo di productonan sintetico ley di opium tambe riba agenda. 

ORANJESTAD (AAN) —Manera DIARIO a anuncia, dia 14 di Maart 2016, inicio a ser duna na sesion 62 di e Comision di Narcotica di Nacionnan Uni, cu ta reuni na e capital di Austria, Vienna.  Segun e schedule di reunionnan di e comision cu ta dicidi riba clasificacion di droga cu mester ser controla, Diaranson dia 14 di Maart 2019 lo atende e rapport di Organisacion Mundial di Salud. Expertonan di salud a entrega e rapport despues di investigacionnan profundo den cual e uzo di Cannabis Medicinal sigur a ser teni na consideracion.

Bista di mundo ta fiha riba e reunion cu na su inicio a conoce un situacion special. Na momento cu e canciyer di Venezuela a presenta su introduccion, tur pais cu ta sostene Presidente Juan Guaidó, a bandona e sala.

Segun un declaracion di e Minister di Estado di Merca, e actitud di e paisnan aki tabata debi na e hecho cu e regimen Maduro ta ser considera un punto debil den e combatimento internacional di droga.

El a referi aki na e relacion entre personanan yega na e regimen y persecucion contra droga na varios pais cu acusacionnan serio contra nan.

Mientrastanto bista di mundo ta fiha riba Austria cu probablemente lo no mira e decision riba e documento cu ta contene e recomendacionnan di e Organisacion Mundial di Salud, cu kier reclasifica marihuana di e categoria cuater cu ta pone hunto cu heroina, cocaina y otro droga pisa cu mester ser controla dor di autoridad.

Kier pone marihuana den categoria uno debi na e hecho cu e mata di marihuana lo ta produci tambe e parti cu ta duna Cannabis Oil cu lo ser uza den remedi.

Na hopi pais cu a permiti marihuana medico y recreativo a ser spera cu lo scrap marihuana for di e lista, pero esaki no ta probabel. Hasta un decision final, votacion, riba e materia lo por ser suspendi debi na e hecho cu tin paisnan cu durante e reunionnan prome cu e conferencia a pidi mas tempo pa yega na un decision.

E rapport di Organisacion Mundial di Salud a ser entrega na Januari pues un luna mas laat cu a spera y lo no a duna suficiente tempo pa estudio.

Otro punto hopi importante lo ta e discusion di e rapport riba uzo no medicinal di productonan sintetico cu ta cay bou di e categoria di Opium den leynan contra droga.

Tur pais afilia na Nacionnan Uni ta parti di e Comision Narcotica, cu ta mantene e lista di substancianan peligroso cu mester ser controla y cu mundo conoce como “droga” cu por ta riba mercado ilegal pero tambe bou control medico manera remedi pa problema pa drumi, ansiedad.

DIARIO lo sigui mantene Aruba informa tambe di tur publicacion di e reunion importante aki.

- Advertisement -

DUNA COMENTARIO

Please enter your comment!
Please enter your name here