Home Gobierno Ministro Dangui Oduber: Luna di Februari 2019 ta otro luna record pa...

Ministro Dangui Oduber: Luna di Februari 2019 ta otro luna record pa nos Turismo!

44
0
SHARE
- Advertisement -

ORANJESTAD (AAN): Turismo di Aruba ta pasando den su mihor momentonan den historia di nos pais. Minister Dangui Oduber ta sumamamente contento y satisfecho cu e resultadonan di aña 2018 y sigur tambe pa loke ta trata e promer dos lunanan di aña 2019.

Tur e indicadornan hotelero ta positivo y ta confirma cu e maneho di Minister Dangui Oduber ta dunando resultado. Manera ta conoci e maneho di Minister Oduber ta dirgi riba turistanan di calidad y turistanan cu tin un spending capacity hopi halto.

Den luna di februari e grado di occupacion tabata 91.8% y cu esaki un grado di occupacion mas halto den henter Caribe. Banda di e grado di occupacion e REV PAR den luna di februari a conoce un crecemento di 7.3% den compracion cu luna di februari 2018. E REV PAR den februari 2019 tabata $330.30. E REV PAR ta un indicador sumamente imporatante pa midi e calidad di turistanan cu ta bin Aruba.

E REV PAR ta e prijs cu un turista ta dispuesto pa paga pa un camber pa anochi. Nos como pais mester ta content cu e hecho cu nos tin un di e REV PAR mas halto den Caribe. Na momento cu bo tin un REV PAR asina halto e ta bisto cu turistanan di calidad ta yegando nos pais. E maneho di Minister Oduber a worde demostra cu e ta dunando resultado, treciendo e turistanan cu ta laga mas placa den nos economia.

Otro indicador hopi importante ta e ADR (average daily rate) cu tambe a conoce un aumento di 7.5%. E average daily rate den luna di februari ta $359.81.

E resultadonan di luna di februari ta confirma cu Aruba su Turismo ta sigui crece y sigui desaroya cu bishitantenan nobo. E cifranan mes ta papia pa nan mes y nan ta sumamente positivo pa economia di Aruba.

Minister Dangui Oduber kier a gradici tur e empleadonan den Turismo, tur e stakeholdersnan cu un bunita resultado pa luna di februari di aña 2019.

Aruba ta keda un perla den Caribe, nos Turismo ta keda nos unico pilar y driver economico y pesey nos tur mester percura pa nos mantene nos calidad y nivel di servicio. Envez cu nos purba cuestiona y critica nos Turismo nos mester yuda fortalece.

 

- Advertisement -

DUNA COMENTARIO

Please enter your comment!
Please enter your name here