Home General Team di U-17 a sali rumbo pa Florida pa eliminatoria di CONCACAF

Team di U-17 a sali rumbo pa Florida pa eliminatoria di CONCACAF

83
0
SHARE
- Advertisement -

ORANJESTAD (AAN): Debi cu cuponan riba avion tabata basta yen, riba Diabierna e seleccion di futbol di U-17 cu ta bay pa Competencianan Elminatorio di CONCACAF na Florida, a bula den 3 diferente vuelo.

Funcionarionan di Arubaanse Voetbal Bond tabata presente na Aeropuerto pa desea e hobennan tur clase di exito.  Enberdad a forma e seleccion aki na ultimo momento, sinembargo nan a pasa den algun siman hopi intensivo.  Nan a hasta hunga wega di fogeo cu teamnan Hoofdklasse local, pa asina por haya mihor experiencia.

Bao guia di Coach Leo Garcia, e team aki a sali na Bradenton (Florida), unda na IMG Academy lo tuma lugar e competencianan eliminatorio.  Como cu e aña aki, ta 35 pais a inscribi na e campeonato, e ora CONCACAF a haye obliga na dividi e rondanan eliminatorio.

Esnan cu sobresali, lo bay pa e di dos ronda cu ta tuma lugar na comienzo di April.

E seleccion di Aruba lo ta riba tereno for di 17 di Maart te cu 25 di Maart venidero na Florida.  E tres team cu Aruba lo enfrenta ta Guadeloupe, Bonaire, y St. Martin (frances).

 

- Advertisement -

DUNA COMENTARIO

Please enter your comment!
Please enter your name here