Home Parlamento “Cu bo a participa caba como hoben na ‘Arte di Palabra’,  ta...

“Cu bo a participa caba como hoben na ‘Arte di Palabra’,  ta di aplaudi”

9
0
SHARE
- Advertisement -

Shailiny Trom Lee:

ORANJESTAD (AAN): Durante e conferencia di prensa di tur Dialuna di fraccion di MEP, parlamentario Shailiny Tromp Lee a papia riba un topico cu ta yega na su curazon, esta e proyecto ‘Arte di Palabra.

“Esaki ta un proyecto hopi yega na mi curazon, un proyecto cu mi a forma parti di dje y cu mi a yuda organiza”.

“Mi ta kere cu e ta un proyecto importante”.

“”Nos ta fomenta bao di nos hobennan e gana y amor pa nos dushi Papiamento y ami ta mira e actividad aki como un manera mas pa nos motiva nos muchanan pa ta mas verbal, pues expresa mihor nan opinion, nan sentimento, nan anhelo, nan preocupacion y nan dolornan”, segun Lee.

El a sigui bisa cu Diasabra ultimo 28 hoben a participa den e categorianan : Poesia y Cuenta Original y Poesia y Cuenta Existente.

“Nos ta acentua tambe e parti di ‘stage performance y articula y papia nos Papiamento debidamente”.

“Hunto cu mi coleganan Sue Anne Ras y Hendrik Tevreden, nos por a admira hopi talento riba escenario”.

“Nos hobennan a laga nan voz resona y nos oreanan a keda caricia”.

“E topiconan cu nan a presenta ta Sali di curazon”, segun e parlamentario, kende a indica cu algun di e topiconan presenta ta crea un preocupacion den dje como mama.

Nan a trece entre otro pa dilanti e abuso cu sa tuma lugar den hogarnan na Aruba y falta di atencion.

“Ta topiconan cu hopi biaha bo lo no spera di un grupo asina hoben”.

“Mi ta kere cu esaki ta un bon manera pa  nan mustra nan preocupacion y busca atencion pa cierto topico”, segun Lee.

“Cu bo a participa caba como hoben na e actividad aki, ta di aplaudi”.

“E ta bay ta un enseñanza grandi pa bo bida, pasobra mi ta kere cu nos ta formando personanan cu den futuro ta bay tin e habilidad di expresa nan mes no solamente mediante poesia y cuenta, pero mi ta kere cu nan ta bay ta hendenan cu den dialogo y discusion ta bay tin mas e curashi di vocifera nan opinion, segun e parlamentario.

- Advertisement -

DUNA COMENTARIO

Please enter your comment!
Please enter your name here