Luz nobo riba 300 Miyon di Maduro pa  su “hub” Aruba

    1401
    0
    SHARE
    - Advertisement -

    Noticianan di DIARIO cu confirmacion internacional

    *Suma di 260 Miyon cu a disparce ta hopi cerca di acuerdo firma

    *Investigacion Guaido a start for di 22 di februari na Merca

    ORANJESTAD (AAN) — E situacion financiero di Citgo tabata uno di e motibonan principal pa e gerencia nobo tuma rienda di e compania di estado Venezolano.

    DIARIO a bini dilanti cu e primicia na Aruba y a presenta foto di e gerencia nobo y e tareanan cu el a pone su dilanti.

    Un estudio di e situacion financiero tabata prioridad pa diferente motibo. Uno di nan tabata e forma cu regimen Nicolas Maduro a uza Citgo pa haya placa cu no alcansa pueblo di Venezuela.

    Mester a garantisa tambe e futuro di Citgo, cu a base di prestamonan haci te awe ta na peliger y den Corte na Merca.

    Ayera ora e informacion di Minister Presidente Evelyn Wever-Croes a drenta, DIARIO a drenta den contacto cu informantenan clave cu a indica cu e suma cu ta ser menciona no ta leu for di un suma hopi importante.

    Ora a firma e contracto a trece dilanti cu Venezuela lo a pone e prome 300 Miyon Dollar pa e proyecto pa Aruba riba mesa.

    Na varios ocasion DIARIO a mustra cu e suma aki a crea duda den seriedad di e proyecto, ya cu riba plataforma internacional expertonan financiero a hari Aruba cu tabata warda riba 300 Miyon Dollar di Maduro, cu tabata haci debe tur caminda pa haya placa.

    Awor cu a bini dilanti cu 260 Miyon mester a ser dedica na e oficinanan di Citgo pa e proyecto di Aruba y cu 180 Miyon a disparce, e suma menciona di 300 Miyon ta bini dilanti.

    Ta un diferencia di 40 Miyon loke segun Citgo lo tabata pa e proyecto di Aruba y loke a ser hinca den e proyecto.

    Informantenan ta mustra riba e hecho cu Aruba pues lo mester a ricibi 300 Miyon Dollar di Venezuela (Nicolas Maduro) cu tabata tin intencion pa haci Aruba su “hub” y centro di operacion di e gerente di Citgo Chavez, cu no por a drenta Merca mas.

    Informacionnan cu DIARIO a ricibi ayera ta mustra cu Reino Hulandes mester realisa un investigacion den acusacionnan sumamente serio cu a ser lansa y tur e desaroyonan cu ta rondona e proyecto Citgo, Citgo na Merca y abuso di fondonan di Venezuela dor di Nicolas Maduro.

    DIARIO ta continua cu su labor pa informa Aruba.

    - Advertisement -

    DUNA COMENTARIO

    Please enter your comment!
    Please enter your name here