Home Enseñanza Mester bin algo ariba papel tocante seguridad di maestro na pia di...

Mester bin algo ariba papel tocante seguridad di maestro na pia di trabao

60
0
SHARE
- Advertisement -

Directora di SIMAR:

ORANJESTAD (AAN):  Presidente di Sindicato di Maestro (SIMAR), Josephina Albertus, a elabora ariba e reunion cu tabata tin recientemente cu e comision di docentenan.

Na prome luga, el a gradici e comision cu a sali afo pa expresa e preocupacionnan cu nan tabata tin. El a haya esaki hopi bon como acto di solidaridad.

SIMAR a sinta cu e comision cu a papia di nan preocupacionnan y a sali afo hopi cos, a remarca.

Dia cu SIMAR a tende di e agresion cu tabata tin, cu tabata 25 di Maart, 26 di Maart a yega na nan oido y a bisa cu mester bay wak con por yuda e maestronan stap pa stap.

A check den e filenan bieu di SIMAR, a papia cu diferente instancia cu tin di haber cu enseñanza  y loke a ripara ta cu no tin hopi cos ariba seguridad di a maestronan. Tin tur cos pa e alumnonan, pero pa e maestro no tin, Albertus a enfatiza.

Aworaki SIMAR ta bezig pa wak con por trece esey pa e ora si tin algo ariba seguridad pa e maestronan. Mester bin algo fiho ariba papel pa bisa esey ta e stapnan of e procedura cu ora algo pasa cu un maestro, esey ta locual mester wordo haci, a bisa.

Relaciona cu e borchi di “verboden” na porta di scol, el a bisa cu e entrada di un mayor no por wordo impedi na scol ora cu nan ta hiba nan yiu scol. No por bisa mayor “bo no mag di subi.  Pa esey bo tin cu busca solucion pa preveni”, a bisa.

Mescos ora un hende agredi un polis, mesora tin sancion. Pero si un mayor drenta scol, pasobra e tin cu busca su yiu, bo yega na e maestro y algo sali for di man y bo agredi e maestro no tin un sancion. Esey ta loke tin cu cambia aworaki, Josephina Albertus a remarca.

SIMAR a papia cu algun parlamentario y nan tambe ta di opinion cu for di basta tempo esaki ta algo cu mester a traha ariba dje. Nan  a duna tips pa bin cu solucion.

Tin otro tema, a agrega, y a probecha pa papia ariba e tema di seguridad den un forma completo. A papia ariba e tema di seguridad interno y externo. “Nos como SIMAR, kier trat’e completo, interno y externo. Pon’e bon ariba papel pa tin un documento fiho y bon pa por traha cun’e”.

 

- Advertisement -

DUNA COMENTARIO

Please enter your comment!
Please enter your name here