Home Gobierno “Mi ta spera di curazon cu no tin ningun mandatario di Aruba...

“Mi ta spera di curazon cu no tin ningun mandatario di Aruba ta meti den esaki”

268
0
SHARE
- Advertisement -

Prome Minister tocante $180 miyon cu a somenta:

ORANJESTAD (AAN) – Minister Presidente mr. Evelyn Wever-Croes, a declara den conferencia di prensa, cu gobierno tin cu bay traha awo riba e credibilidad y confianza cu e ehecutivonan nobo di PDVSA, nombra pa Juan Guaidó, a mustra di no tin riba e proyecto di e refineria di Aruba.

E mandatario a subraya cu e desconfianza aki unda cu 180 miyon dollar a somenta for di e 260 miyon cu PDVSA ta bisa cu a manda pa Aruba, di cual 80 miyon so a yega na e refineria, ta un sorpresa hopi desagradable cu gobierno a ricibi.

No obstante, gobierno ta trahando riba dje y dunando su cooperacion pa loke por, na e investigacion cu nan kier haci pa wak unda e 180 miyon dollar ey a bay.

“Nos no por haci mucho aki na Aruba, sinceramente, pasobra e ta di un cuenta bancario pa otro cuenta bancario, ta entre e companianan esaki a pasa y nan tin cu resolve.

Locual mi ta bisa ta, cu mi ta spera di curazon cu no tin ningun mandatario di Aruba meti den esaki.  Pasobra esaki no solamente ta hinca e ex-mandatario ey den hopi problema legal cu autoridad Mericano, pero e ta pone atrobe, e cara di Aruba na berguenza.

Pero cualkier cu ta e caso, aworaki aki e enfasis di esnan nobo cu a drenta den PDVSA, ora nos a kere ta bin hende nobo cu si lo hinca e 15 miyon den Aruba, mesora, pasobra e licencia di OFAC ta aplicable, nan ta wanta e placa un tiki mas duro, pasobra cu nan kiermen cu si di 260 miyon ta 80 so a yega, di 15 ta cuanto e ta yega e ora ey”, e dignatario a reitera.

El a agrega cu gobierno ta sigui den deliberacion; e reunionnan no ta bay facil. Tin biaha nan ta bay duro den henter e escenario aki, y nan tin cu deal cu hendenan di Guaido y cu hendenan di sr. Maduro, loke ta haci e asunto aki un poco mas complica.

JOIN MISSION NA WASHINGTON:

Minister Presidente, den e mesun rosea aki, a referi na e “Join Mission” cu Aruba, Corsow y Sint Maarten, Hulanda y ohala Bonaire ta bay haci na Washington, lo tuma lugar den luna di Mei, cu nan por haya tur e afspraaknan cu nan a haya y tur hende lo ta alinea pa ta na Washington hunto.

Na Washington nan ta bay combersa cu hendenan di Departamento di Estado, OFAC tambe di Capital Held riba e situacion menciona y mira con por haya mas ayudo pa sali for di e situacion.

E mandatario a subraya cu e luna aki ta uno hopi decisivo por ehemplo si gobierno ta bay sigui cu e contrato cu Citgo of no.

Minister Presidente a indica cu e ultimo desaroyonan a haci e asunto mas dificil, sinembargo gobierno ta canando su caminda y e abogadonan a haya instruccion pa wak con ta sali di e contrato aki.

Manera con e situacion ta pinta akinan, Citgo mester di tempo pa regla su asuntonan na Venezuela, cu nan companianan, pero Aruba no tin e tempo pa warda cu nan regla nan asuntonan pa Aruba regla di dje. Esaki ta un decision cu ta canando pero no tin un decision di e abogadonan ainda, riba e tema aki.

- Advertisement -

DUNA COMENTARIO

Please enter your comment!
Please enter your name here