Home Salud Na Aruba ta usando 500 miyon florin pa aña den salud

Na Aruba ta usando 500 miyon florin pa aña den salud

48
0
SHARE
- Advertisement -

Wit Gele Kruis mustrando preocupacion

ORANJESTAD (AAN):  Ariba dia 28 di Juni benidero, Stichting Wit Gele Kruis lo cumpli 60 aña di existencia.

Relaciona cu e fecha special aki, Gino Goeloe, director di WGK a bisa cu for di awor caba nan a cuminza informando pueblo mas informacion tocante kico ta Wit Gele Kruis.

El a indica cu e 60 añanan aki tin hopi historia su tras.

Goeloe a splica cu WGK ta un fundacion cu a wordo funda door di soeurnan y pastoornan catolico na Hulanda den 1930. E meta tabata pa cuida hende pober malo, locual te dia di awe WGK ta haci.

WGK ta cuida hende, babynan, grandinan y tambe adultonan. Durante e añanan a crece y bira mas grandi.

Gino Goeloe a remarca cu tog e salud di e comunidad no ta manera WGK ta desea. Nan a haya raportnan unda ta indica cu na Aruba ta usando 500 miyon florin pa aña den salud. Esaki ta un suma hopi halto pa un isla chikito di mas di 100 mil hende.

Aruba ta di tres pais mas caro na mundo den e parti di seguro y WGK ta basta preocupa pa esey.

Goeloe como director di WGK a expresa cu nan ta preocupa pa e salud y mester bay haci algo cu esey. Hopi hende ta moviendo, canando pero tin cu haci hopi mas ainda.

Door di esey a bin cu e idea pa na lugar di bisa “bon dia”, bisa “pasa un dia saludabel”. “Esey ta bay acentua e salud”.

Wit Gele Kruis ta kere cu mester encurasha e comunidad pa sigui move. Tur instancia cu ta haci programa di salud mester bisa danki na nan pa sigui pone enfasis pa laga comunidad move, laga e cuminda bira saludabel pa asina aki tin un bida salud.

Segun Goeloe, ta bay tin mas programa cu ta bay pasa na television y na radio tocante salud y historia di Wit Gele Kruis.

Esaki ta bay ta e comienzo di nan celebracion di 60 aña sirbiendo comunidad di Aruba.

- Advertisement -

DUNA COMENTARIO

Please enter your comment!
Please enter your name here