Rudy de Miranda
ORANJESTAD (AAN) – Esnan cu ta pasando awor riba Boulevard, por mira pa varios luna caba un edificio enorme ta lantando riba e tereno cu antes tabata Arvefa, net pabao di De Palm Tours.
Despues a worde identifica como e edificio nobo ‘super store’ di AMC Unicon.
Segun Sr. Rudy de Miranda, comercial manager di AMC Unicon awor tin e ultimo toquenan di AMC Unicon. Lo bay tin un soft opening dentro di 1 siman. E apertura oficial lo ta 2 siman di Mei.
A ser splica na DIARIO, cu den e edificio lo tin un Optica cu ta algo nobo pa nan y pa Aruba tambe.
Hopi hende lo keda contento pa haya sa cu lo tin un “Ashley Home store” na banda mas amplio y tambe Home & Nature tambe ta un concepto cu nan tin caba, pero a hacie mas moderno.
Radio Shack tabata tin caba den e otro tiendanan, pero esaki ta un tiki mas grandi. Unicon ta doño di Radio Shack pa Caribe y Central America y den e showroom a pone mas grandi y cu itemnan mas popular cu Radio Shack tin.
AMC Unicon nobo ta hopi bunita y hopi grandi y a bira tempo pa algo asina bin Aruba. Hendenan cu ta biaha hopi ta custumbra cu edificionan asina aki. El a tuma un tiki tempo. E ta un inversion grandi, y segun Sr. de Miranda Aruba merece un concepto asina y esaki te.
