Home Parlamento “Si bo motiva bo yiu y bo percura pa su deporte haya...

“Si bo motiva bo yiu y bo percura pa su deporte haya e mesun atencion cu su school, portanan por habri pe”,

23
0
SHARE
- Advertisement -

Shailiny Tromp Lee:

ORANJESTAD (AAN): Parlamentario Shailiny Tromp ta haya cu ta na su lugar pa duna atencion na locual a tuma lugar Diabierna ultimo.

“Na prome lugar mi kier a felicita tur esnan nomina y e ganadornan di e premio ‘Excelencia den Deporte’”.

“Hard work pays of”.

“Mi ta kere cu e cara di orguyo di esnan cu a keda nomina of a ricibi e premio y e cara di nan mayornan, amigonan y demas famia, ta impagable”.

Esaki segun e parlamentario, durante e conferencia di prensa di tur Dialuna di fraccion di MEP.

El a sigui bisa cu sinta den e sala el a wordo yena cu orguyo, pa mira e logronan di nos hobennan durante añanan.

“Ora ta duna atencion special y homenahe na atletanan cu den transcurso di añanan a logra hopi ariba nivel personal pero tambe pa nos pais, mi ta kere cu eseynan ta e role models cu nos por presenta na tur esnan cu a keda nomina riba e anochi aki, pero cu ainda no a logra gana e premio”.

Esaki segun Tromp, kende a sigui  bisa cu e sacrificio cu hopi di e hobennan aki a hasi y e disciplina y perseverancia cu nan a demostra, pa solamente wordo nomina caba ta algo cu mester forma parti di e motivacion pa nan sigui desaroya nan mes.

“Mi ta kere cu mas importante ta cu un premiacion asina no ta yega sin mas”.

“Nos sa cu, cu deporte bo ta duna no solamente formacion deportivo, sino bo ta crea lidernan pa nos comunidad”.

“Nos ta duna nan e parti di disciplina y mas bien nos ta habri diferente porta”, segun Tromp kende a duna elogio special na Elisabeth Timmer, kende a gana den e categoria di 14 pa 17 aña.

El a splica cu e logro mas grandi di Elisabeth ta cu el a logra haya un athletic scholarship (beca atletico) for di South Dakota State University.

“Mi ta kere cu akinan hopi mayor mester para keto”.

“Cu deporte nos por logra hopi, apesar cu nos ta un pais chikito”.

“Si bo motiva bo yiu y bo ta percura pa su deporte haya e mesun atencion cu su school, portanan por habri pe”, segun e parlamentario di MEP.

 

- Advertisement -

DUNA COMENTARIO

Please enter your comment!
Please enter your name here