Home Beyeza Akisha Albert, Miss Universe Curacao 2018 ta parti di Sea Bunita...

Akisha Albert, Miss Universe Curacao 2018 ta parti di Sea Bunita Sea Bo mes Fashion Show

74
0
SHARE
- Advertisement -

ORANJESTAD (AAN):  Pa fundacion Sea Bunita Sea Bo mes, ta un honor pa anuncia participacion di Akisha Albert, den e fashion show di muchanan y hobennan special di Aruba dia 8 di juni proximo den Renaissance Convention Center.

Tur por corda Akisha ariba escenario di e competencia mas grandi di beyeza Miss Universe aña pasa unda cu Akisha a representa hermana isla di Curacao y a logra top 10 finalista di e certamen aki.

E biaha aki Akisha ta bay modela ariba pasarela cu nos muchanan y hobennan special y tambe di Curacao tin mas invitado cu lo bay forma parti, entre otro e cantante AEmy, famoso na Curacao lo comparti su canto cu e publico di Aruba cu su cancion Nia Feliz.

Tur cos ta den full swing cu hopi entusiasmo y preparacion ta wordo haci pa e gran anochi aki unda nos muchanan y hobennan special lo briya.

Fundacion Sea Bunita Sea Bo mes, ta contento con tur cos ta canando pa cu e gran anochi di e fashion show aki. Sorpresanan lo keda presenta hunto cu tur e celebridadnan y cantantenan di Aruba cu lo participa, canto y baile y hopi mas durante e gala fashion show aki.

Tambe por a aprecia y ta di admira y bisa danki for di awor na tur tienda, boutiquenan cu ta sosteniendo e muchanan cu nan vestuario pa e anochi aki.

Ban duna tur sosten y apoyo na e muchanan y hobennan special den nan lucha pa inclusion den  comunidad.

- Advertisement -

DUNA COMENTARIO

Please enter your comment!
Please enter your name here