Home Actividad Especial Alicia Moerman a gana e Doorprize di Kiwanis Carnaval Masquerade Party

Alicia Moerman a gana e Doorprize di Kiwanis Carnaval Masquerade Party

80
0
SHARE
- Advertisement -

ORANJESTAD (AAN)  – Siman pasa Kiwanis Club of Palm Beach hunto cu Sr. Danilo de Freytas, Sales Manager di KLM pa Dutch Caribbean, a entrega e doorprize di KLM ganá recien na e Kiwanis Carnaval Masquerade Party.

Manera ta costumber pa varios aña, KLM ta contribui na Carnaval Masquerade Party pa medio di un premio cu ta ensera un round trip pa dos persona di Aruba pa Amsterdam. Kiwanis Club of Palm Beach ta masha agradecido mes na KLM cu ta contribui na communidad dor di yuda cu e doorprize pa hasi e fiesta aki aun mas grandi.

E ganadora di e doorprize di e aña aki a resulta den nomber di Sra. Alicia Moerman. KLM y Kiwanis Club di Palm Beach ta desea  Sra. Moerman un viahe sigur y pa disfruta di e roundtrip pa Amsterdam.

Riba e potret adhunto por mira e feliz ganador hunto cu Sr. De Freitas kende a otroga e premio. Sr. De Freytas a indica cu ta un orguyo pa KLM pa otroga e premio aki y asina aporta na un evento pa recauda fondo charitativo y di e forma aki duna sosten na nos communidad y especialmente muchanan den nescesidad.

Sra. Moerman di su banda  a expresa palabranan di gratitud na KLM pa e bunita gesto aki. Tambe presente tabata sr. Gilmar (Cheijto) Croes kende a sirbi como presidente di e commission organisatorio di e Kiwanis Carnaval Masquerade Party.

- Advertisement -

DUNA COMENTARIO

Please enter your comment!
Please enter your name here