Home Economia Aruba den relato anual 2018 di Asuntonan Exterior di Reino

Aruba den relato anual 2018 di Asuntonan Exterior di Reino

172
0
SHARE
- Advertisement -

Problemanan Venezuela a duna motibo pa actua

*Relacionnan di Reino Hulandes den un mundo cu ta cambia

*Buskeda di un mundo stabiel y siguridad enfrente Venezuela

 ORANJESTAD (AAN) — Siman pasa e Ministerio di Asuntonan Exterior di Hulanda a entrega su relato anual na Tweede Kamer y Eerste Kamer Hulandes. Manera e documento mes ta mustra, e islanan Hulandes den region di Caribe a base di Statuut ta inclui den e resumen di 2018 di actividadnan di e ministerio.

E desaroyonan na Venezuela ta ocupa, manera por a spera, un luga importante.

Den e cuadro total di Reino riba tereno internacional,  por mira con China, Rusia y Iran ta bini dilanti den desaroyonan mundial nobo.

E relato ta papia di un mundo cu ta cambia na Europa tambe, cu entre otro e salida di Inglatera for di Union Europeo pero tambe e situacion cu a desaroya na e frontera Hulandes den Caribe, pues Venezuela.

Den e cuadro aki ta referi na e situacion cu a presenta dia 6 di januari 2018 ora Venezuela a cera frontera cu e islanan ABC na forma unilateral.

E relato di Ministerio di Asuntonan Exterior di Hulanda ta mustra cu a duna prioridad na e pasaheronan cu a keda pega.

Mientras combersacionnan na nivel diplomatico a tuma luga entre e dos paisnan,  e Minister Hulandes di Asuntonan Exterior a mantene contacto estrecho cu gobiernonan di Aruba y Curaçao. A realisa tambe un bishita na Venezuela.

E situacion na Venezuela no a conoce solucion segun e relato cu ta indica cu enfasis ta wordo poni riba entre otro e buskeda di stabilidad y siguridad.

Hulanda a aumenta e sumanan cu e ta hinca den representacion di Reino den exterior.

Hopi bes problemanan den exterior ta bira problemanan local na paisnan den Reino y den esaki ta wordo mustra tambe riba e problemanan di migracion, criminalidad cu ta pasa fronteranan y asuntonan interno den cual for di exterior tin interferencia.

No a logra yega na revision di e provisionnan pa dunamento di Asiel den Union Europeo.

Reino Hulandes a dedica hopi atencion na e asunto di refugiado, e posibilidad pa refugiadonan bolbe nan pais y e forma pa atende cu contrabanda den hende.

E ocupacion di e asiento den e Conseho di Siguridad den Nacionnan Uni a entrega oportunidadnan strategico pa Reino Hulandes.

Interes di Reino a wordo defendi na 2018 dor di Hulanda, Aruba, Curaçao y Sint Maarten riba e terenonan di paz mundial y siguridad. Reino Hulandes a duna prioridad na e siguridad di ciudadanonan,  prevencion y solucion di conflictonan.

Den su proximo edicionnan, DIARIO lo sigui analisa e relatonan anual di Reino Hulandes pa por informa Aruba debidamente.

- Advertisement -

DUNA COMENTARIO

Please enter your comment!
Please enter your name here