Home CORTE Awe grupo cu a haci serie di atraco arma dilanti Hues

Awe grupo cu a haci serie di atraco arma dilanti Hues

43
0
SHARE
- Advertisement -

ORANJESTAD (AAN): Awe Diabierna mainta un grupo di cuater persona J.R., J.A.R., A.R., J.P. tin cu presenta den Corte di Husticia di Aruba pa duna cuenta pa serie di atraconan arma cu nan a haci.

    VARIOS CASO DI ATRACO ARMA:

Na Februari 2019, nan a presenta den Corte caba pero e caso tabata pro forma. Fiscal a bisa Hues cu tin varios acusacion di atraco arma contra e grupo aki cu a sosode entre September y October 2018.

Fiscal a menciona cu dia 19 September 2018 e grupo aki a haci un atraco arma.

Dia 24 September 2018, nan a haci un otro atraco arma riba un snackbar na Savaneta.

Dia 27 September 2018, nan a haci un atraco arma riba Shap Convenience Store na Shiribana.

Dia 1 October 2018, nan a haci un atraco arma riba bar restaurant. Fiscal a bisa Hues cu tin un dama na estado cu a worde laga liber, tambe lo mester presenta den Corte, pasobra ta sospecha cu e tambe ta envolvi.

Fiscal a bisa cu e caso ta pro forma, pasobra ainda e procesverbaal no ta cla. Fiscal tambe a bisa cu e sospechoso J.A.R. tin un otro caso di atraco arma. Fiscal a propone pa 10 Mei 2019, tratamento di e caso tuma lugar.

    HUES A NENGA PA LAGA UN SOSPECHOSO LIBER:

  1. Carlo a bisa Hues cu e ta convenci cu su cliente J.P. no tin nada di haci cu e caso. Na opinion di e abogado, e declaracion di un persona so cu a bisa cu el a mira J.P. den auto y e dama cu a bisa cu el a tende di su guy cu J.P. tabata cu nan, no ta suficiente pa J.P. keda encarcela. El a pidi Hues pa laga J.P. liber pendiente di e caso.

Fiscal a reacciona cu e sospechoso A.R. a admiti tur cos y a bisa cu J.P. tambe ta envolvi. Fiscal ta haya cu J.P. mester keda sera te dia di e caso. Ta trata aki di casonan di atraco arma caminda nan tabatin arma y cuchiu. Den un periodo cortico nan a haci tur e atraconan arma aki. Fiscal a pidi Hues pa rechaza peticion di abogado. Abogado mr. de Sousa a bisa Hues cu su cliente A.R. a bisa cu loke Recherche a pone no ta cuadra cu e berdad.

A.R. a bisa Hues cu el a pidi Recherche pa cambia su declaracion. Segun A.R., el a declara contra hende cu no ta envolvi den e caso. Su consenshi ta lag’e sinti malo y pesey e kier pa cambia su declaracion.

Hues a bisa cu e ta rechaza e peticion di mr. Carlo ta pa laga J.P. liber pasobra e dos declaracionnan no ta suficiente. Hues ta haya cu tin motibonan di peso y e sospechonan ta serio cu no por laga J.P. liber. Hues a pospone e caso pa awe 10 di Mei 2019. DIARIO lo informa lectornan tur loke a pasa den sala di Corte di Husticia di Aruba.

- Advertisement -

DUNA COMENTARIO

Please enter your comment!
Please enter your name here