Home Editorial Buraconan peligroso den posicion Reino y Venezuela

Buraconan peligroso den posicion Reino y Venezuela

132
0
SHARE
- Advertisement -

For di Januari ta Guaidó mester dicidi riba relacion cu Aruba

*A tolera decision Maduro pa cera parti di frontera Hulandes

*Pa frase transitorio a mantene representantenan diplomatico

ORANJESTAD(AAN)–E consternacion cu a surgi ora e grupo di Nicolas Maduro na Venezuela a dicidi cu e ta habri frontera di Aruba,  a demostra cu a keda buraconan habri den e relacion nobo entre Reino Hulandes y Venezuela despues cu Juan Guaidó a wordo reconoci como Presidente Interino di Venezuela. Durante fin di siman DIARIO a continua cu investigacionnan y a haya mas y mas confirmacion cu tin asuntonan hopi importante cu Reino mester atende.

Den e declaracionnan cu Hulanda a haci e ta mustra cu e ta reconoce Guaidó como Presidente pero cu esaki no tin resultado huridico . Hulanda ta mantene relacionnan cu e grupo diplomatico di Maduro cu e tin e “autoridad efectivo den su man”.

E parti aki ta causa confusion pasobra Maduro mes no tin reconocimento pero e instancianan Venezolano cu te awor e ta dirigi pasobra nan ta den su man.

Informantenan importante a sigui confirma na DIARIO, cu ningun momento Reino Hulandes mester a acepta cu ta a base di decision di Nicolas Maduro y su grupo, frontera entre islanan ABC y Venezuela a wordo cera.

Pa cuminsa awor Reino Hulandes a acepta, cu ta un solo frontera conoce den Reino a base di e Acuerdo riba Fronteranan Maritimo entre Reino y Venezuela.

Na momento cu frontera di islanan ABC a cera, ta frontera entre Reino Hulandes y Venezuela a cera na tur nivel y e relacion diplomatico entre e dos paisnan a termina.

Ceramento di frontera a wordo completamente saca for di contexto na 2018 dor di Maduro, cu a hunga cu relacionnan exterior y paisnan a permiti esaki.

Manera informantenan ta mustra, mundialmente tin problema cu relacionnan exterior debi na e actitud tolerante enfrente condicionnan cu mundo mes ta condena.

Hecho ta cu na e momento cu Juan Guaidó a wordo reconoci como Presidente Interino di Venezuela, Reino no ta acepta decisionnan ni representacion dor di Nicolas Maduro y su grupo mas. Resultado di esaki ta, cu grupo Maduro no por a dicidi riba e relacionnan entre Venezuela y Reino.

Na e momento cu Maduro a dicidi cu e ta cera frontera entre Venezuela y Islanan ABC, el a duna un señal cla cu e no ta respeta e decision di Reino Hulandes cu e no ta Presidente di Venezuela den bista di Reino Hulandes, incluso Aruba.

Ora Maduro a bisa cu el a cera frontera cu Islanan ABC, mester a ignora su decision pero si mester a cera frontera di Aruba pa tur hende y organisacion cu ta riba e lista di personanan y empresanan “non grata” pasobra nan ta pertenece na regimen Maduro.

E situacion cu a surgi awor ta demostra riba buraconan grave cu no a atende y cu awor Reino mester atende pa siguridad nacional y di tur ciudadano na Aruba.

DIARIO ta dedica awe amplio cobertura na e materia di halto prioridad a base di investigacionnan importante cu el a haci despues di un siman di gran importancia pa siguridad y integridad di e pais.

- Advertisement -

DUNA COMENTARIO

Please enter your comment!
Please enter your name here