Home CORTE Caso asesinato patras di Julio’s Bar na San Nicolas ta Diahuebs den...

Caso asesinato patras di Julio’s Bar na San Nicolas ta Diahuebs den Corte

116
0
SHARE
- Advertisement -

ORANJESTAD (AAN): Na Februari 2019 e caso a bin dilanti pro forma caminda Hues a pospone e caso pa Diahuebs 17 Mei 2019.

E Curasoleño I.M. a presenta na Februari 2019 den Corte. E acusacionnan cu Fiscal a presenta contra I.M., ta cu riba 16 di October 2018, intencionalmente el a tira un of mas tiro riba Harmon Girigorie cu consecuencia cu e victima a fayece. Tambe Fiscal ta acusa I.M. di posecion di un arma di candela entre 1 Januari 2010 te 16 October 2018.   E acusado I.M. ta un musico den un banda local di reggae.

E caso aki a conmove henter comunidad pasobra Harmon ta conoci den e mundo politico. E tabata bodyguard di e actual minister Romer. Parce cu promer cu e tiramento, tabatin un pelea y I.M. a bay busca un arma. El a bolbe y a tira e victima mata. Esaki a pasa den area patras di Julio’s Bar na San Nicolas.

    CASO POSPONI:

Ta asina cu Fiscal a bisa Hues cu e caso ta pro forma y a propone pa e tratamento di e caso tuma lugar dia 17 di Mei 2019.

Den tribuna di sala di Corte tabata presente un familiar homber di e victima. Abogado mr. Illes a informa Hues cu e lo representa e famia di e fayecido pa haci demanda di daño. Den sala di Corte tabata presente e ruman homber di Harmon, kende a keda mira I.M. cu un cara mientras cu I.M. tambe a keda mir’e.

Hues a bisa cu e ta pospone e caso pa dia 17 di Mei 2019 pa 10’or di mainta. DIARIO lo informa lectornan tur loke sosode den sala di Corte di Husticia di Aruba.

- Advertisement -

DUNA COMENTARIO

Please enter your comment!
Please enter your name here