ORANJESTAD (AAN): Apesar cu tin camera di seguridad, toch presonan ta ataca otro y herida otro severamente den KIA. Ta parce cu tin presonan sa con pa habri slot di cel y bay ataca otro preso, ora cu guardianan no ta den vecindario.
Ora cu guardia di KIA a mira esaki riba camera, el a bay pasa cadena cu un candal na e porta di cel.
HINCAMENTO DEN KIA:
Diabierna den Corte di Husticia, e sospechoso J.R.P. a worde declara liber pa a participa den e serie di casonan di asalto arma. Hues ta haya J.R.P. culpable di e hincamento di un preso D. dia 9 December 2019.
Fiscal ta acusa J.R.P. di hunto cu otro preso, premedita a hinca e preso di inicial D., exactamente 12 biaha den KIA cu algo skerpi.
Hues a bisa cu e preso D. a bisa cu el a keda den cel ta wak television. El a sinti un sla y despues bay for di tino. Ora el a spierta el a haya su mes den e departamento medico cu yen di hinca na su curpa. El a haya 12 hinca.
Hues a bisa cu segun investigacion e hincanan no tabata hundo y tabata hincanan chikito. E victima tabatin hinca na pia, lomba, cara. Un wowo tabata tur hincha. Esaki door cu el a haya un hinca banda di e wowo.
Hues a lesa declaracion di un otro preso cu tabata hunto cu D. den cel na momento cu e hincamento a sosode. E preso a bisa cu el a mira dos otro preso drenta den e cel cu algo den man pa hinca. Un di e presonan a zwaai riba dje, el a coy un stoel pa defende su mes y a sali core bay. El a bay avisa guardia di KIA. E guardia tabata comiendo e momento ey. Ora e preso a bolbe cu e guarda, nan a haya D. tur na sanger benta abao. Nan a kere cu D. lo tabata morto pero danki Dios no tabata asina.
PRESO TA HABRI CEL:
Riba e camera di seguridad di KIA por a mira con dos preso a sali for di un cel cu tabata gelock den di dos piso. Nan a core baha bay den e cel cu tabata net bou di esun di nan y despues a core bay back den cel y cera esaki manera nada no a pasa. E guardia a bay check e porta y esaki tabata na lock. Pa seguridad, e guardia a pasa cadena rond di e baranan di e porta pa asina e presonan no por bolbe habri esaki. Parce cu sa sosode cu presonan tin un manera di ta habri e lock di cel.
Ta asina cu promer ora cu Hues tabata puntra, J.R.P. ta para riba cu e no a haci nada. Hues a remarca cu e tabata den cel 11 y riba video por a mira claramente cu el a baha cu un otro preso. Na dado momento J.R.P. a bisa Hues cu tur cos a cuminsa door cu D. tabata insulta nan mama. Segun J.R.P., nan a bay bringa cu D. y no hincamento.
Ta asina cu Hues no a kere e cuenta aki. Hues a conden’e na 240 dia di prison di cual 37 dia ta condicional cu un tempo di prueba di 2 aña. Esey ta encera cu diabierna mes J.R.P. a sali liber, mirando e tempo caba cu e tabata sera den KIA. Fiscal a yama KIA di biaha pa regla cu J.R.P. ta sali liber.
Aki nan no ta comprendible con por cu despues di breakout jail bai abou hinka un hende 12 biaha anto sali liberale sin problema ta conta e fiscal no por conta no tin nada di haber cu e dia nan cu e persona aki ta sera jues su condens 240 dia di cual 37 ta condicional anto 2 aña di prueba ta bin despues cu su castigo anterior terminal.
I no ta free card pa motibo cu fiscal a conta e tempo cu e persona aki ta sera.
O cu ta vriendjes politiek tin na Aruba.
Habri wow pueblo di Aruba habri wowo
Saludos tico Tromp