Home arte y espectaculo Exposicion Arte y Cultura pa recauda fondonan pa yuda pa Sint Maarten...

Exposicion Arte y Cultura pa recauda fondonan pa yuda pa Sint Maarten na Apeldoorn

64
0
SHARE
- Advertisement -

Despues di  horcan Irma

ORANJESTAD (AAN)/Den Haag  – Gran artistanan den Reino a participa na exposicion Arte y Cultura “rondreizend” (unda e exposicion ta wordo traslada di un ciudad pa otro), bou auspicio di Gabinete di Sint Maarten y fundacion Oranjefeesten na Apeldoorn/DutchOrange Company Oranje.

E exposicion aki a cuminsa na ciudad Delft, unda e la wordo finalisa na municipio di Apeldoorn. Tanto artista di Sint Maarten, Curaçao y Aruba a duna nos ruman isla e aporte pa asina recauda fondo pa yuda Sint Maarten despues di  horcan Irma. Arubahuis a keda representa pa coordinador di afdeling Asuntonan Social y Cultura Nuris Dabian.

E artistanan cu a participa pa Sint Maarten ta Roland Richardson cu a finalisa cu exito su educacion artistico den glas na Merca. Nan ta yame e tata di impresionismo di Caribe. Roland a exhibi internationalmente manera na Merca, Rusia, Bulgaria, Belgie, Medio Oriente y Hulanda.

Tess Verheij naci y a lanta na Hulanda, unda un di su mayornan ta bin di Sint Maarten a studia  docente di  arte . Cu su trinta aña a muda pa Londres Inglaterra, unda e la cuminsa cu un scol di arte y cafetería di arte y a dicidi despues di bay biba na Sint Maarten pa sigi cu su scol y cafetaría. Tambe e ta practica pinturanan acrílico, pastel , y obranan di mosaico etc.

Melvin Anderson ta di Curaçao unda a cuminsa den e mundo di estetica  unda e la biaha na diferente pais di mundo desde  Aruba, St. Vincent, Amsterdam te cu Milan. E color y textura cu e ta usa , a capta atencion internacional. Ora e la pasa di textura tambe pa glas su artenan a wordo bende hasta na Rusia y Japon. Su collecionnan ta wordo mira den diferente galeria, museo y tienda di deseño.

Bikkel artista tambe di Curaçao y su artenan ta di color bibo unda e colornan ta wordo saca uzando forma y obhetonan pa e yega na e texura di color desea. E ta refleha den su color e calor di su isla natal.  Bikkel a gradua na 2002 con un examen excepcional na Hogeschool Rotterdam, y academia Willem de Kooning. Su artenan tambe ta wordo admira den museo y coleccionnan priva, manera tambe  museo di Curaçao, Maassluis.

Gustave Nouel for di Aruba unda tur hende conoce tanto na Aruba como na Hulanda como un gran portretschilder. Na 1992 su pinturanan a wordo uza na Exposición Mundial na Sevilla

Spanje na e paviljoen di Hulanda.

Desde 2006, na e Hall of Fame na Aruba (Paseo Herencia) Gustave tabata un di e diez personanan mas famoso den  historia di Aruba. Su inspiracion ta  jazz, cultura di Aruba y famia Real. Nouel a realisa mas di 200 exposicion den Reino y tambe internationalmente.

Potret ta cortesia di Cas di Aruba

- Advertisement -

DUNA COMENTARIO

Please enter your comment!
Please enter your name here