Home General Feria di Papiamento cu un programa varia y interesante

Feria di Papiamento cu un programa varia y interesante

80
0
SHARE
- Advertisement -

Lyonel Pieters ta splica:

ORANJESTAD (AAN) – E tesorero di Fundacion Lanta Papiamento, Lyonel Pieters, a elabora tocante e programa di e Feria di Papiamento, cu lo tuma lugar Diadomingo proximo, den CBPP, en ocacion di e decimo aniversario di e Fundacion y 11 aña di e oficializacion di Papiamento.

E feria ta cuminza pa publico for di 5 or di atardi, pero for di 3 or y mey nan lo ta wardando riba esnan cu a inscribi pa participa den Ceso Sport. El a sugeri pa esnan cu kier participa yama pa inscribi, pasobra e lugar ta limita pa atende cu e gruponan cu kier participa den e atardi di Ceso Sport.

Nan a pidi un maximo di seis participante pa cada grupo. E actividad ta completamente gratis. E actividad aki ta programa pa cuminza pa 4’or y caba 5’or. Pa 5’or ta inicia cu e actividad pa publico en general. E centro di bario lo wordo parti den tres seccion: e seccion di sala cu airco ta dedica na Ceso Sport pa presentacion di sr. Ramon Todd -Danderé, y ora e termina su presentacion lo tin pelicula. E prome sala ta dedica na “skina di cuento” den cual ta bay tin un mini biblioteca y cooperacion di Fundacion Bon Nochi Drumi Dushi. Den e veld lo tin skina pa mucha cu Dino Jump y lo tin tambe un seccion di wega di Papiamento. Riba escenario lo bay tin diferente grupo di baile, cu artistanan infantil, hubenil y adulto. Tambe a haci invitacion na e ganadornan di Arte di Palabra, cu lo declama nan poesianan.

Pa 7 or di anochi lo clausura cu Grupo di Betico, cu ta bay deleita e publico cu su bon musica te cu 8 or di anochi. Entrada ta completamente gratis. E ta invita henter pueblo di Aruba pa bin celebra en grandi nos Idioma Papiamento.

- Advertisement -

DUNA COMENTARIO

Please enter your comment!
Please enter your name here