Home Actividad Especial Fundacion CVA cu chekeo di salud diasabra awor na Club Sportboys Santa...

Fundacion CVA cu chekeo di salud diasabra awor na Club Sportboys Santa Cruz

23
0
SHARE
- Advertisement -

ORANJESTAD (AAN):  Fundacion CVA ta bay tin un biaha mas nan checkeo pa comunidad den e bario di Santa Cruz y ta haci un yamado na tur esnan cu ta biba den e becindario y tambe pueblo en general pa pasa haci un chekeo.

Azriah Palm a bisa den entrevista cu DIARIO cu CVA ta enfoca ariba prevencion di stroke y stroke no conoce edad. Un di e maneranan pa hacie ta door di haci chekeonan regular. CVA ta duna e resultado pa asina e persona haya sa su estado.

“No ta asina cu ora bo haya e resultado final e ta fin di mundo. Ta djis pa bo sa con bo situacion ta y semper y cuando nos ta duna conseho pa acudi na docter di cas, pa asina aki e docter di cas por manda bo haci mas test y asina saca afo kico por ta e problemanan”, a enfatiza.

E checkeo ta tuma lugar na Club Sportboys Santa Cruz, diasabra awor 18 di Mei, di 8 am – 12 pm. Lo tin chekeo di cintura, peso, largura, glucose den sanger, test di wowo, porcentahe di vet, di awa y presion di sanger. Preferibel pa bay na ayuna, si bo ta check sucu den sanger.

Tur esnan cu haci e chekeo lo haya un pasport cu nan datonan pa asina ora di haci e siguiente chekeo nan por presente cun’e of acudi cerca nan docter di cas.

E dia aki lo tin sosten di Aruba Vision Center, Botica di Servicio, Stichting BOB, Medicosmetics, entre otro.

No perde e oportunidad aki di check bo salud.

- Advertisement -

DUNA COMENTARIO

Please enter your comment!
Please enter your name here